Transporte Pùbliku TL Tama NTT Kada Semana Ho Oras 2

Lafaek News – Ministru Defeza no Seguransa (MDS), Filomeno Paixão de Jesus, afirma autoriza loke hikas Fronteira entre Timor Leste ho Indonèzia ne’e iha sesta semana Kotuk hatun ona diploma ministeriál, maibé transporte pùbliku ba mai (NTT) Atambua- Kupang semana ida dala ida iha loron kuarta oras rua.

“Só ministru saúde mak bele hatan,sei iha dekretu lei iha ona tenke autoriza loke kada loron kuarta ema tama, sasan merkaduria mós tama ida ne’e mak sei hala’o, despasu tun ona iha sesta  ou kinta feira kotuk sei loke oras rua” dehan Ministru Defeza Seguransa (MDS) Filomeno Paixão De Jesus, iha palasio governu (22/06)

Entertantu iha loron kuarta (10/06) reuniaun konsellu ministru deside fó podér ba Ministru Transporte Pùbliku Komunikasaun hodi autoriza transporte públiku sira bele tama sai iha fronteira terrestre entre Indonézia ho Timor Leste.

Minsitru Prezidénzia Konsellu Ministru, Fidelis Leite Magalhaes, afirma konsellu ministru  fó podér tomak ba ministru transporte no komunikasaun hodi bele asina memorandu entendimentu ida ho governu repúblika Indonézia kona-ba movimentu transporte fronteira ba autokarru entre rai rua nian.

“Akordu ida ne’e buka atu transporte trasfronteira ba interkanbiu kukturál entre nasaun rua, hodi estabelese sistema transporte ida ne’ebé integradu no efisiente no di’ak tebes atu intensiva kresimentu no dezenvolvimentu ekonómiku nasional,” dehan Fidelis

Governante ne’e dehan, antes ne’e transporte públiku hosi Indonézia bele tama sai Timor no karreta hosi Timor labele tama iha NTT, maibé ba da-daun autoriza ona bele iha movimentu liu-liu transporte públiku tama sai iha fronteira entre Timor ho indonézia hodi fasilita karreta bele too iha mota sorin.

 

Jornalista     : Pedro de Almeida

Editora          : Nelya Barros

Tinggalkan Balasan