Traballadór Timor-Oan Iha Korea do Súl Pániku ho Virus Corona

Timor Ona iha Korea
Trabailador Timor oan iha Korea taka Masker iha sidade Busan foto Kontributor

Lafaek News-  Traballadór Timor-oan kuaze 2000 resin iha Korea do Súl pániku ho Virus Corona ne’ebé hahú afeta ba Korea do Súl hodi hamate ona sidadaun koreanu na’in 20 no na’in 3736 hetan ona inveksaun.

Korrdenadór Traballadór Timór-oan  husi  sidade Buzan Community, Alino da Costa, haktuir ba Lafaek News.com liu-husi via mídia sosiál Wahsaap, katak Virus Corona hahú afeta sidade sira iha Korea do Súl no loron-loron volume sa’e hela de’it, tanba ne’e traballadór husi nasaun hamutuk 16 iha Korea do Súl inklui traballadór timór-oan mós prekupa hotu.

“Ha’u bele dehan ami sente pániku no  trauma ba virus  ne’ e tanba iha Korea do Súl ne’e traballadór ida husi nasaun Mongolia mate ona tanba hetan infeksaun husi Virus Corona rasik, ami iha ne’e pániku maibé ami sei di’ak hotu,” informa Alino ba Lafaek News.com, Domingu, 01/3.

Hodi haktuir dadús foun husi mídia Internasionál, sidadaun Korea do Súl mate tanba afeta husi Virus Corona hamutuk na’in 20 ona no na’in 3736 mak hetan ona inveksaun husi Virus Corona.

“Agora Governu Korea do Súl alerta mai ami katak mantein atensaun nafatin, bainhira la’o sai tenke uza masker no 30 detik nia laran fase liman antes han,” nia afirma.

Enkuantu Governu Timor-Leste liu-husi Konsulladu Traballadór iha Korea do Súl mós fó informasaun ba traballadór timór-oan sira kada loron tolu hodi fó avizu atu kuidadu aan nafatin bainhira sai ba sidade laran tenke uza masker.

Tuir Traballadór timór-oan sira iha Korea  do Súl katak, bainhira traballadór hirak ne’e ba servisu iha Korea do Súl tanba liu-husi koperasaun entre governu TL ho Korea do Súl, maibé agora hasoru situasaun ida ne’ebé ema hotu la espera tanba ne’e husu ba governu parte rua atu toma atensaun para traballadór hirak ne’e labele afeta ba Corona Virus.

“Ami mai servisu iha ne’e liu husi governu liu-liu SEFOPE, ne’ebé agora ami atu fila ka la fila ne’e desizaun govenru nian, maibé até agora ami seidauk iha informasaun kona-ba atu fila ka oinsá ne’e husi governu,” tenik nia.

Jornalista                  : Massinara

Editór                         : Lino Aparicio

 

Tinggalkan Balasan