TMR Orienta Vise-MI-SEPS Prioritiza Infraestrutura Iha 2021

Lafaek News—Primeiru Ministru (PM) no Ministru Interior (MI), Taur Matan Ruak,  enkontru ho Vise-Ministru Interior (Vise-MI) Antonio Armindo, ho Sekretáriu Estadu Protesaun Sivil (SEPS), Joaquim José Gusmão dos Reis Martins, simu orientasaun ba tinan 2021, prioridade  infraestrutura ba Protesaun Sivil, Ministériu Interior no PNTL inklui edefísiu imigrasaun.

“Ohin ha’u ho SEPS mai hasoru Pirmeiru Ministru hanesan mós Ministru Interior mai atu simu orientasaun husi nia kona-ba preparasaun ba programas orsamentu 2020-2021 nian. Ita nia prioridade ba infraestrutura, ne’ebé ohin orienta ona hodi bele hare’e infraestrutura ida ne’ebé mak inportante liu,” dehan Vise Ministru Interior (Vise-MI), Antonio Armindo, ba jornalista hafoin hasoru malu ho  xefe governu iha palasiu governu, sesta ohin (24/07/20).

Vise Ministru ne’e hatutan, atu hadia infraestrutura mak hanesan iha Protesaun Sivil, Ministériu Interior, PNTL, Imigrasaun, Bombeirus nian tama hotu iha prioridade ba 2021.

“Ami sei deside ba liu fornteira hodi hare’e saida mak presija iha ne’eba no bele tama iha kategoria infraestrutura atu bele hadia diak liu tan,” tenik nia.

Enkuantu orsamentu ba infraestrutura tuir nia seidauk bele dehan tanba semana oin mak hahu prepara no identifika tan ne’e osan montante ba infraestrutura seidauk iha, nune’e mós dívidas ba Polísia Nasionál Timor Leste (PNTL)  tenke selu.

“Ita tenke selu tiha dívidas ne’e iha tinan 2020 maibé la’os PNTL deit hotu-hotu ne’ebé mak dívidas iha ne’e 2020 ita selu hotu, nune’e iha tinan 2021 ita hare’e ba infraestrutura, dívidas ne’e barak manutensaun veiklu, CCTV sira liga tiha pois desliga fali, tanba too agora dívidas seidauk selu, total ha’u la lembra más dívidas ne’e barak,” nia hakotu.

 

Jornalista                 : Pedro de Almeida

Editora                      : Nelya Barros

Tinggalkan Balasan