TL Rezista Kazu Moras Dengue 1050, Hamate Ona Ema Na’in-Ualu

Lafaek News- Koordenadora Ofisiál Ligasaun Forsa Tarefa, Sentru Integradu Jestaun Krize (SIJK), Odete da Silva Viegas, informa kazu moras dengue to’o ohin loron iha Timor-Leste (TL), rezista ona hamutuk 1050 no hamate ona ema na’in-ualu (8).

“Situasaun balu ne’ebé mós sai ameasa ba saúde públika iha Timor-Leste mak hanesan ita hotu hatene mak moras dengue, kazu akumulativu hosi Janeiru to’o 27 de Abril 2020, hamutuk 1050, iha Dili de’it hamutuk 628, iha munisípiu Ermera 293 no restu hosi munisípiu sira seluk, afirma Doutora Odete liuhosi konferénsia ba imprensa Sentru Mídia, Sentru Konvensaun Dili, tersa ne’e.

Hodi hatutan, hosi total kazu akumulativu hamutuk 1050 ne’e iha Dili hamutuk 628, munisípiu Ermera 293 no restu hosi munisípiu sira seluk, maibé la inklui RAEOA ho Vikeke tanba seidauk relata dadús ba nasionál.

Tuir dadús, kazu dengue refere hamate ona ema na’in-ualu, hosi totál kazu na’in-ualu ne’e na’inlima (5) ho idade tinan-lima mai kraik no na’in-tolu seluk hosi idade tinan-lima ba leten ne’ebé kompostu hosi kapitál Dilí inklui munisípiu sira.

Ema ne’ebé mak mate ona to’o ohin loron hamutuk ema na’in-ualu, hosi na’in-ualu ne’e na’in-lima (5) ho tinan lima mai kraik no na’in tolu seluk idade tinan-lima ba leten,” hatete Doutora Odete.

Ho nune’e, nia apela ba komunidade tomak atu kontinua ba kombate Covid-19, maibé fó mós atenssaun ba prevensaun moras dengue.

Hodi sala situasaun nia naran, nafatin fó apela ba populasaun tomak atu ita kontinua investiga ba kurtu seluk sira hanesan dengue, maske ita mós nafatin foka ita-nia enerjia no rekursu hodi responde ba COVID-19, hamoos bee ne’ebé nalihun iha vazu ai-funan nian, no toba iha muskiteriu laran,” nia fó hanoin.

 

Jornalista : Egidio Nono

Editór        : Lino Aparicio

Tinggalkan Balasan