Timor-Leste Seidauk iha Rekursu Sufisiénte Kontrola Peska Ilegál

Lafaek news-Ministru Agrikultura no Peska (MOP), Joaquim José Gusmão dos Reis Martins, hatete Timor-Leste seidauk iha rekursu sufisiénte hodi bele atua ba roo peska ilegál ne’ebé kontinua esplora ikan iha tasi Timor.

“Peska ilegál, ba dadaun ne’e MAP iha mak monitorizasaun, ita bele identifika ba Roo sira ne’ebé ilega, maibé TL seidauk iha rekursu ne’ebé adekuadu para bele hatan ba preokupasaun hirak ne’e,” dehan Joaquim José Gusmão dos Reis Martins ba Lafaek News, Segunda (13/01) iha salaun Ministériu Finansa (MF) ai-tarak laran, Díli

Nia haktuir, durante ne’e Ministériu Agrikultulra no Peskas esforsu hela monta GPS ba peskadór kostal sira atu bele halo relatóriu roo hirak ne’ebé la rejistadu, maibé nafatin halo peskas iha tasi laran.

Timor-Leste seidauk bele atua Roo ilegál hirak ne’ebé sempre tama iha tasi Timor, tanba seidauk iha Roo patroilla ne’ebé adekuadu hodi halo operasaun ba iha tasi Timor.

“Ita dadaun ne’e Roo patroilla mak Unidade Polísia Maritima  (UPM) no Forsa Naval nian, maibé ne’e la konsege atu halo fiskalizasaun iha tasi mane, tanba peska ilegál barak liu ne’e, iha parte tasi mane,” hakotu nia

 

Jornalísta        : Anselmo Miranda Monteiro

Editór              : Manico Ximenes

Tinggalkan Balasan