Suku Tolu Iha Postu Fohorem Estabelese Ona Tara Bandu

Kovalima-Lafaek News—Autoridade husi suku tolu kompostu husi Suku Dato 2, Lactos no Datolu 3, realiza atividade tara bandu hodi proteze rekursu naturais hodi evita risku dezatre iha tempu udan.

Atividade Tara Bandu ne’e realiza hafoin hetan apoiu husi parseiru internasionál sira hanesan Ajénsia Asian Indigenous People Pact (AIPP), liu husi fundu ida ho naran PAWANKA FUND, osan hamutuk $. 2.889, liu husi Sentru Juventude Kovalima hodi realiza atividade tara bandu iha ne’e postu administrative Fohorem, munisípiu Kovalima.

 Diretór Sentru Juventude Kovalima, Calisto Leite Gusmão Afirma atividade Tara Bandu ne’e realiza iha Suku Dato 2, sei kontinua realiza mos iha Suku Lactos ho Dato 3, postu administrative Fohorem.

“Atividade ida ne’e hala’o tanba SJK hetan suporta husi Ajénsia Intrnasional PAWANKA FUND no AIPP ho montante osan hamotuk dollares amerikanu $2.889, hodi hala’o aktividade Tara Bandu iha Suco 3, iha postu administrativu Fohorem,” Calisto ba Lafaek news iha Fororem, Sábadu (26/09/2020).

Orsamentu ne’ebé $ 2.889 ne’ebé apoiu husi parseiru Tailándia liu husi Ajénsia Internasionál Asian Indigenous People Pact (AIPP), kada suku tolu ne’e suku ida hetan $.963.

“Informasaun sira ne’ebé mak ami rona kata iha postu Administrativu Fohorem, no suku Fohorem Vila halo ona Tara Bandu iha tinan kotuk, tan ne’e mak oras ne’e dadaun ami hala’o fali iha Suco 3 seluk ne’ebé mak tinan kotuk seidauk hala’o Tara Bandu.”Tenik   Calisto Leite Gusmão.

Jornalista           : Asatu Soares/Jose (RCCT)

Editór                 : Chamot Nahac

Tinggalkan Balasan