Sporting “Duni Sai” Académika Fc Hosi Kopa FFTL 2020

Avansadu hosi Klube Sporting de Timor Florindo Soares Halo Selebrasaun Hafoin Hatama Golu Tolu Ba Rede Ekipa Académika Fc Nia, Iha Estádiu Munisípal Dili, sesta (18/09). Foto: Abilio Gonçalves

Lafaek News-Jogu kontinuasaun Kopa FFTL ne’ebé mak realiza iha Estádiu Munisípal Dili Sexta (18/09/2020) ekipa Sporting De Timor “duni sai” ekipa reprezentante Universidade Nasionál Timor Lorosa’e (UNTL) Academika Fc hosi Kopa FFTL tinan ida ne’e.

Iha jogu apuramentu ne’e ekipa Sporting Fc duni sai kedas ekipa Academika Fc tanba jogu tolu ne’ebé mak ekipa ne’e realiza lakon hotu kedas hafoin lokraik ne’e lakon tan ho Sponrting de Timor ho skor 3-1 hodi laiha ona oportunidade ba sira atu hakat ba oitavu final maski sei iha jogu ida ba sira ikus hosi halo kompletu de’it sira nia jogu.

Enkuantu jogu entre Sporting de Timor kontra Academika Fc ne’e mós hanesan ekipa Academika mak ekipa dahuluk ne’ebé mak konsidera sai ona hosi Kopa FFTL ba tinan ida ne’e tanba lahetan ina oportunidade hodi hakat ba oin.

Maski Ekipa Academika Fc ne’e esforsu-an tebes hodi hakarak manan jogu lokraik ne’e maibé sorte mak laiha ba sira tanba ameasa hirak ne’ebé mak sira halo la konsege hatama golu barak.

Maibé iha jogu sesta lokraik ne’e ekipa Academika Fc mak konsege fura uluk rede Sporting de Timor nia liu hosi sir a avansadu José Boavida ho númeru kamizola (9) iha minutu (16) hodi lori sira nia ekipa lidera provizoriu ho skor 1-0.

Iha ne’ebé kontente no haksolok ba golu ida hosi José Boavida ne’e la dura to’o kleur tanba avansadu hosi Sporting de Timor ho númeru kamizola (19) Florindo Soares responde kedas golu tolu ka Heatric ba sira nia rede hodi gó vitória ba Sporting de Timor ho rezultadu ikus (3-1)

Maski ekipa Academika Fc kontinua esforsu no servissu maka’as hodi hakarak responde golu maibé forsa la to’o hodi sira responde hotu golu tolu ne’e to’o apitu lian jogu termina.

Fó hanoin fali katak, Ekipa Academika okupa iha Grupu (C) hamutuk ho klube sira mak haneaan, Academika Fc, Karketu Dili Fc, Sporting de Timor no Aitana Fc no Portu Taibessi Fc.

Maibé ekipa Academika laiha ona opounidade iha Kopa FFTL tinan 2020 ne’e tanba lakon dala tolu hanesan, Karketu Dili Fc, Portu Taibessi Fc, no Sporting de Timor, sei iha jogu ida kontra Aitana Fc maibé manan mós labele ona salva sira nia ekipa atu hakat tan ba oin.

Jornalista   : Roza Fernandes
Editór.          : Mivania Quintão

Tinggalkan Balasan