Sosa Ficha Família Iha Rentàl Foin Asesu subsídiu $100

Lafaek news. (Lautem), xefe juventude aldeia Lereloho suku Fuiloru postu admnistrativu Lospalos, Fausto Bekar, deskontente ho ficha família ne’ebé xefe suku Fuiluru haruka sosa iha rentál hodi hetan subsídiu $100.

Fausto Bekar ba jornalista sira hateten uluk ema Lospalos hotu hatene, ficha família ne’e la faan iha kioske no loja, ema ne’ebé forma uma kain ona foti ficha família iha suku hodi  prense naran hatama iha suku no aldeia, maibé agora mosu fali iha Covid-19 ficha família ne’e fan fali iha rentàl.

“Durante ne’e komunidade sira ba sosa iha rentál  ho presu sentavus 75, balun satu dolar,  ha’u hakarak nai ulun sira esplika mai ami povu kiik kona-ba ficha família ne’ebé sosa iha rentàl ne’e, se uluk kedas fan karik di’ak , too iha klaran fan ficha família iha rentàl, ha’u hanoin la di’ak no labele  halo manipulasaun  ne’e,”  lamenta xefe juventude aldeia Lereloho ne’e.

Hatan ba lamentasaun xefe juventude aldeia Lereloho, xefe suku Fuiloro Vitor Dias Quinta, responde katak nia parte seidauk orienta komunidade sira sosa ficha família, maibé ficha ida tuan laiha ona, tan ne’e mak nia parte orienta rentàl kopia fali atu komunidade hotu bele asesu.

“Ha’u nunka orienta ema ba sosa ficha, ficha ida tuan ami haree iha sede suku laiha ona ami haruka sira ba produs atu iha rentàl atu kompleta ficha família ne’e koor hanesan ida de’it,” xefe suku ne’e fundamenta.

Tanba durante ne’e ficha família oferese husi admnistrasaun munisípiu iha koor kinur no la hanesan ho koor uluk verde, tanba ne’e haruka halo ida ne’e la’os xefe suku mak orienta, buka medidas hanusa de’it para koor ne’e úniku verde hanesan.

“Iha ficha família koor rua, iha suku Fuiloru koor kinur no verde, haree ba joven sira forma fali, barak nia ficha famili koor verde laiha, tanba ne’e xefe suku husu atu halo ficha família koor ida de’it ka hanesan,” katak nia

Hodi dehan akuzasaun sira ne’ebé  dehan xefe suku haruka ba sosa ficha ne’e falsu no la loos objetivu mak atu halo henesan de’it ficha tuan koor ida de’it.

Entratantu total família agregadu suku Fuiloru ne’ebé hetan direitu ba subsídiu  hamutuk2.988, ho total osan $597.600.000, observasaun jerál proseu pagamentu iha munisípiu Lautem la’o di’ak hahú husi loron dahuluk too ohin.

jornalista    : Elidio Castro

Editora        : Nelya Barros

 

 

Tinggalkan Balasan