SEKOOP Susesu Organiza Negosiante Ambulante Sidade Dili

Lafaek News—Sekretáriu Estadu kooperativa (SEKOOP), Elizario Fereira, hateten durante ne’e SEKOOP mós organiza negosiante ambulante (karosa) sira ne’ebé halai Iha Dili laran.

“Gerobak sira ne’e ami organiza ona durante ne’e imi haree ema la duni ona sira i ami kolia ona ba sira ne’ebé fan permanente diak liu ba fan iha merkadu”dehan Secretario estadu coperativa Elizário Fereira ba jornalista sira iha Bairo Pite sexta 25/09/20.

Governante ne’e dehan, governu kria hela kondisaun atu negosiante ambulante sira ne’e pas parte iha kooperativa tuir konkordánsia ne’ebé halo hamutuk ho negosiante ambulante iha Dili laran.

“Ami mos kria hela kondisaun atu hola parte iha koperativa hanesan ami nia konkordansia ne’ebé hetan hamutuk iha ne’e, ba oin sira bele hola parte iha koperativa bele assesu kapital assesu mos ekipamentu sira ne’ebé sira presiza atu bele asegura ba oin” dehan nia

SEKOOP mós rekoñese seidauk iha fatin dignu ba negosiante ambulante, tan ne’e governu liu husi SEKOOP sei buka meiur oinsá atu bele solusiona, importante maka negosiante sira tenkeiha konsiénsia maka’as.

“Balun seidauk hetan fatin ne’ebé dignu ami sei haree hamutuk importante ema la duni ona sira, no sira mos tenke hatene an la’os fatin ne’ebé atu fan ikan nian,” tenik nia

Entretantu da-daun ne’e negosiante  400 resin maka hala’o atividade negósiu ambulante iha sidade Dili, husi dadus ne’e ambulante 50 resin maka submete ona ba kooperativa, nune’e bele kria kondisaun dginu ba negosiante hirak ne’e.

 

 

Jornalista      : Zeferino Barreto

Editora           : Nelya Barros

 

Tinggalkan Balasan