SECOOP Entrega Makina 152 Ba MOKATIL

Lafaek News-Sekretáriadu Estadu Cooperativu (SECOOP) entrega makina ba Mevimentu Kamponezes Timor-Leste (MOKATIL) ho modelu posibilita no prosesamentu ba produtu liu-liu ba Kay Rala hanesan programa Cooperativa.

Antes ne’e MOKATIL, deklara ona iha loron 29 Outubru 2019, nune’e MOKATIL nia membru tomak iha teritóriu Timor ne’e, Cooperativa hamutuk setórial hodi utiliza hotu sasan sira ne’ebé mak ohin to’o.

“Makina sira ne’ebé mak to’o mai ne’e Governu transfere osan no sira rasik mak sosa liu husi asembleia traballu no makina sira seluk,” dehan SECOOP, Arsenio da Silva Perreira ba Lafaek News, Kuarta (08/01) iha Beduku, Díli

Nia haktuir, iha munisípiu ho produtu ne’ebé la hanesan balun ba kay rala duni no balun ba kafe no ba ai-farina, hare, aifuan nomós koto depois atu bele prosesu sai ba ai-han. Programa Cooperativu ne’e mós ba oin sei fornese ba kay rala ne’e merenda eskolar hotu.

Iha fatin hanesan, Prezidente Movimentu Camponezes Timor Leste (MOKATIL), Helio Dias da Silva haktuir, ohin lansa ba ekipamentus kona-ba makina sira ne’e mak agora iha ne’e tanba hetan apoiu husi SECOOP no tinan kotuk. ami hetan osan $. 880.000 ne’e ba total orsamentu hotu-hotu, maibé kategória ba material ne’e $.615.00 liu-liu ba makina ho batar no fos kay rala nian balun ba hare, batar, trigu, Jus, abokate, sabraka no seluk tán.

“Makina sira ne’e ami rasik mak ba indonézia hamutuk ho membru sira para ba husu fabrika atu dezeñu ami nia hakarak, tanba produsaun ne’e la’os uituan de’it agora hatene katak ne’e produsaun barak,  tán ne’e mak ami mós ba sosa tuir ida ne’e no makina hamutuk 152 unit,” Helio hakotu

Jornalísta        : Joaninha da Silva Sarmento

Editór              : Manico Ximenes

Tinggalkan Balasan