SEMA Enkoraza Juventude Hamoris Espíritu Voluntáriu Kuida Ambiente Saudavél

Lafaek News—Sekretáriu Estadu Meiu Ambiente (SEMA), Deometrio Amaral, enkoraza Juventude sira hodi hamoris   volutarizmu liu husi servisu prevensaun meiu ambiente saudavél, tanba servisu voluntarizmu pertense ba ukun rasik an nian.

Deometrio dehan, SEA hakarak estabelese hikas movimentu nasionál ida hodi kontra espíritu partisipasaun ba dezenvolvimentu protesaun ambiente ne’ebé kada tinan hahú lakon.

Tanba iha tempu Portages, sira lori de’it ema ofisiál atus tolu husi Portugal mai Timor , maibé sira ukun Timor besik tinan 450 ne’e tanba saida sira (Portugal), kapitaliza espíritu voluntarizmu Timor Oan sira,

“Sekretariu Estadu Meiu Ambiente(SEMA) halo reflesaun ida dalan atu halo protesaun ba meiu ambiente ne’e la’os  estadu nian de’it tanba sei ita haree ba kontituisaun artigu 71 ne’ebé koalia kona-ba ema hotu iha direitu atu moris iha ambiente ne’ebé saudavél ne’e relfete saida direitu mai husi obrigasaun  husi sidadaun idad idak iha obrigasaun atu partisipa hodi garante ambiente ida saudavél ba ita hotu nian ”dehan Sekretariu Estadu Meiu Ambiente(SEMA) Deometrio Amaral, hafoin halo abertura ba atividade estabelese movimentu brigada Ambiente, iha INFORDEPE, 22/10.

Tan ne’e ho workshop ida-ne’e hakarak atu hamoris fali espíritu pretense ba ukun rasik an ne’e bele moris iha juventude sira nia laran no espera brigadista sira bele hahú kontibui asaun kiik oan ida ba iha ambiente

“Atividade ambiente to’o fim ha’u nia mandatu 2023, se bele iha ona brigadista ambiente 1.000  pesoas, tanba ita labele tau guarda florestal guarda ambiente iha knua hotu-hotu, maibé ita bele nakfila populasaun sira iha Timor-Leste sai guarda ba ambiente ,” katak nia.

Iha fatin hanesan, partisipante husi Universidade nasionál Timor-Lorosa’e (UNTL), Lidia de jesus Ximenes hateten, formasaun ne’ebé ohin realiza husi Sekretáriu Estadu Meiu Ambiente ne’e atividade ne’ebé di’ak tebes oinsá juventude sira hamutuk hodi habelar informsaun kona-ba prevensaun meiu ambiente

“Formasaun ne’ebé ohin relaiza husi sekretáriu estadu meiu ambiente nia ne’e ba  ha’u sente kapaas tebes tanba tanba oinsá atu juventude sira hamutuk oinsá atu fo formasaun kona-ba prevensaun ambiente nian liuhusi ita nia hahalok konsiensia ne’ebé iha muda ta nia hanoin ho formasuan sira hanesan ne’e tanba ida-ne’e bele muda juventude sira nia hanoin atu tuir mai sira bele kuidadu ambiente,”dehan nia.

entretantu, iha workshop refere hetan partisipasaun másimu husi universitáriu sira hamutuk ema na’in atus ida resin.

 

Jornalista         : Egidio Nono

Editora             : Nelya Barros

Tinggalkan Balasan