SAMES Presiza Hadia Sistema Distribuisaun  Ai-Moruk

Lafaek News—Diretór Nasionál polítika Kooperasaun Ministériu Saúde (MS), Narsijo Fernandes, afirma Servisu Autonómu Medikamentus Saúde (SAMES), ba oin presiza hadia  sistema distribuisaun Ai-moruk di’ak ba baze.

“Ita laiha nível jestaun ne’ebé mak di’ak iha sistema tantu iha nível primária no sekundária la di’ak, tanba ai-moruk dala ruma butuk iha sentru saúde balun no iha sentru saúde balun stok out ba ai-moruk, tanba ne’e ita ko’alia kona-ba jestaun iha sistema ne’ebé mak presiza hadia,” Informa Diretór Nasionál MS Iha serimónia Asina MOU entre UNFPA-SAMES iha kampu-Alor, kinta (23/07/2020)

Nia argumenta liga ho sistema tanba ai-moruk iha fatin balun laiha sistema ne’ebé alarma katak kuantidade ai-moruk iha ne’e boot liu iha fatin ne’e, ida ne’e mak akontense laiha sistema.

“See ba oin mak hetan apoiu husi DIFAT ho UNDFP ba iha SAMES atu mellora di’ak liután servisu ida ne’e hodi asegura no garantia katak stock out labele akontese tan, tanba ne’e mak ita hotu tenke iha komitmentu,” dehan nia.

Nia mós afirma =diretór nasionál farmasia nia servisu todan atu haree, tanba SAMES bele halo servisu másimu, maibé iha baze servisu la másimu iha problema nafatin.

“Ita koalia kona siklu jestaun ne’e tenke husi sistema husi aprovisionamentu mai baze ne’e hotu-hotu tenke apoiu malu distribuisaun ai-moruk la ko’alia kona-ba SAMES ba de’it iha sentru saúde no ba de’it munisípiu, oinsá distribuisaun husi munisápiu ba too postu saúde, tan ne’e nia korente tenke la’o hotu haree ba stock out iha postu saúde ida no distribuisaun ida ne’e tenke la’o ida ne’e mak jestaun ne’ebé ita ko’alia ba prestasaun tenke la’o hotu,” nia argument.

 

 

Jornalista  : Sabina Barreto Klau

Editora      : Nelya Barros

Tinggalkan Balasan