Reuniaun PR-KSDS Propoin EE Da-Lima Ba Loron 30

Lafaek News-Konsellu Superior Defesa no Seguransa (KSDS) apoiu ona ho umanidade aplika estadu emerjensia da-lima ba loron tolu nulu (30).

“Ohin dader Konsellu Superior defesa no seguransa reuniaun ona hodi diskute, hotu sira rekomenda ba prezídente Repúblika Francisco Guterres Lú-olo atu hato’o pedidu Governu nian ba Parlamentu Nasionál hodi diskute depois aprova ona, hato’o ba Prezídente Repúblika Dekreta EE da-lima,” dehan Xefe Casa Civil Palasiu presidensial, Francisco Maria de Vasconcelos ba jornalista sira iha palasiu presídensial, Bairo pite, Dili, Tersa, (1/09/2020).

Nia hautan, ligadu ho karta ne’e tenke lalais nune’e PR enkamina ba Parlamentu Nasionál hodi diskute.

“Kona-bá karta ne’e lalais, ohin se lae aban, atu nune’e Prezidente Republika (PR) enkamina rekomendasaun sira ne’e ba governu nian haruka ba Parlamentu Nasionál. Ha’u labele divolve, tanba ne’e tuir lei, opiniaun ne’ebé máka konsellu estadu nian no konsellu superior defesa no seguransa ne’e la’os ba publiku,”dehan Xefe Casa Sivil.

Nnune’e mós nia relata, konselu superior sira rekomenda ba Prezidente Republika (PR) atu haruka pedidu governu nian ba parlamentu nasional hodi diakute.

Antes ne’e mós reuniaun konsellu estadu ho Prezídente Republika (PR), Francisco Guteres Lú-Olo, diskute ona proposta husi governu nian kona-bá estensaun estadu emerjésia ba dala lima tanba hare’e ba nasaun vizinu kazu la mudansa, tan ne’e sei lori ba paralamentu nasionál.

“PR atu dekreta estadu emerjénsia tuir mai, tanba ita hare katak ita nia nasaun vizinus indonesia kazu nafatin hanesan ida foin dau-dauk liu ba laiha mudansa, ho ida ne’e sei haruka ba parlamentu nasionál,” esplika.

Nia dehan, estensaun estadu emerjénsia ne’e hare’e liu ba fronteira no portu sira.

“Ita hare liu ba Aeroportu, portu no fronteira, nemaka sai fokus liu ba diskusaun,” nia hakotu.

Jornalista             : Joaninha Sarmento
Asisténsia Editór  : Pedro de Almeida

Tinggalkan Balasan