Reabilitasaun Ospitál Lahane Hein Dezeñu BOQ

Lafaek News—Ministra  Saúde (MS), Odete Maria Freitas Soares Belo, informa kona-ba reabilitasaun ospitál Lahane ministériu saúde ne’ebé prepara ba pasiente Covid-19 seidauk implementa reabilitasaun tanba sei hein BOQ.

Ministra saúde hato’o asuntu ne’e hafoin hasoru malu Ministru Prezidénsia  Konsellu Ministru, Fidelis Leite Magalhaães  hodi relata kona-ba prosesu reabilitasaun ospital refere.

“Ohin enkontru fahe imformsaun ba projetu sira ne’ebé presiza atu revee fali, ba ministériu saúde sei haree liu ba ospital Lahane no akompaña mós ba fiber optíka,” dehan Ministra Saúde Odete Maria Freitas Soares ba jornalista hafoin hasoru malu  ho MPKM, Fidelis Magalhães, iha palásiu governu, tersa 9/6.

Ministra hatete, dadaun ne’e sedauk Hahú reabilitasaun ba Ospital Lahane tamba BOQ sedauk iha.

“Ita sei hela dezeñu no ninia BOQ iha  ona hafoin implementa, maibé ida ne’e espesífiku liuba Covid-19 nian, ita iha planu seluk ne’ebé atu halo, maibé ho situasaun korona Virus, ita sei haree liu ba ida ne’e,” nia esplika.

Antes ne’e mós Primeiru Ministru, Taur Matan Ruak, orienta Ministru Obras Publikas (MOP), Salvador Pires, hodi reabilitasaun  ba antigu ospitál Lahane ne’ebé propoin husi Sentru Integradu Jestaun Krize hodi halo tratamentu ba pasiente covid-19 iha futuru.

“Primeiru Ministru orienta Ministru obras publika ho Sentru Integradu jestaun atu servisu hamutuk ho lalais nune’e bele akomoda ita nia nesesidade kurtu prazu no longu prazu nune’e iha tempu badak bele hahú realiza reabilitasuan,”dehan  MOP Salvador Pires iha Palasiu governu.

“Maneira dezenvolvimentu longu prazu ne’e depende ba estudu ne’ebé sira halo, tan ne’e iha dezeñu detaliadu ne’ebé sira sei aprezenta mai sei hare mós ba planu sira hanesan planu ambiental no risku sosial Sira nune’e bele hatene Kona ba nia impaktu sosial Sira,” hatete nia

Ho nune’e orsamentu 2019 ne’ebé prevee ba reabilitasasun besik $300 mil itál  ba estuda longu prazu no nune’e bele reabilita lalais hodi akomoda pasiente covid-19.

 Jornalista     : Pedro de Almeida

Editora          : Nelya Barros

 

Tinggalkan Balasan