Prezidente Agência Tatoli. Ip “Agradese” MAPKOMS

Lafaek-news – Prezidente Agência Tatoli, Ip, Jose da Costa hato’o agradesementu ba Ministru Asuntu Parlamentar no Komunikasaun Sosiál (MAPKOMS) tanba ho konfiansa durante ne’e, hodi lidera Ajensia Notisioza Timor-Leste.

Nia haktuir, ohin loron asumi kna’ar hanesan Prezidente Agência Tatoli, Ip tanba konfiansa polítika tanba ne’e, agora mosu ona mudansa polítika hanesan ezenorasaun iha fatin hotu-hotu, entaun di’ak liu deside rejigna-an.

“Dalan di’ak liu, nu’undar presidente deside rasik hodi resigna-an hafoin mandatu ne’e hotu iha loron tolu nolu resin ida, ho ida  ne’e bele permite atu membru governu ne’ebé mak tutela MAPKOMS hodi bele buka”, dehan Presidente ba jornalista sira iha nia kna’ar fatin, Farol, Dili (5/08/2020).

Maske hatama ona karta rejignasaun, nia dehan “Hanesan Prezidente hau hakarak agradese ba governo liu-liu MAPKOMS, durante ne’e fó ona fiar mai hau kna’ar hanesan presidente Tatoli. Ip”, nia agradese.

Nia argumenta, razaun prinsipal ba nia hodi hatama karta submisaun kona-ba rejignasaun tanba nia hakarak rasik, hafoin akompaña prosesu movimentu no dinamiku polítika iha rai laran ne’ebé ohin loron afeita ka implikasaun ba servisu liu-liu ba konfiansa polítika iha instituisaun sira hanesan Taloli,Ip.

Relasiona ho preokupasaun ne’e, Ministru Asuntu Parlamentar no Komunikasaun Sosiál (MAPKOMS),  Fransisco Martins da  C. Jerónimo dehan,  maske Prezidente Tatoli, Ip hatama ona karta submisaun kona-ba rejignasaun maibé nia garante Presidente Tatoli,Ip nia mandatu sei remata tuir tempu ne’eb’e iha.

 

Jornalista Estajiada : Rita Moniz

Editóra                      : Fitriana Sarmento

Tinggalkan Balasan