PPN Konsidera V-PPN Halo tentativa Hadau Podér

Lafaek News—Prezidente Parlamentu Nasionál, Arao Noé de Jesus da Costa Amaral, hateten, aktu ne’ebé Vise Prezidente Parlamentu Nasionál, Maria Angelina Lopes Sarmentu,  konsidera hanesan tentativa hadau podér no kontra konstitusaun RDTL no rejimentu Parlamentu Nasionál.

Arão Noe hatoo asuntu ne’e liu hosi konferénsia imprensa iha nia gabinete parlamentu nasionál katak asaun ne’ebé vise prezidente parlamentu nasionál hatudu konsideradu asaltu hodi hadau podér prezidente parlamentu nasionál.

“Ohin ha’u nu’udar prezidente Parlamentu Nasionál, atu informa ba povu tomak relasiona ho situasaun ne’ebé la’o iha Parlamentu Nasionál ne’e kona-ba tentativa hadau podér husi vise prezidente Parlamentu deputada  Nasionál, Maria Angelina Lopes Sarmentu,” afirma Arao Noé de Jesus da Costa Amaral, iha  resintu PN, 18/05.

Tanba Iha loron 13 fulan Maiu 2020, partidu FRETILIN,PLP,KHUNTO, dirije ona karta ba halo destituisaun prezidente Parlamentu Nasionál ba fali vise prezidente Parlamentu Nasionál, no aktu ida ne’e viola konstituisaun RDTL, artigu 99 númeru 3, nomos iha rejimentu Parlamentu Nasionál nian artigu 17 kona-ba kompetensia prezidente Parlamentu Nasionál nian.

Tanba iha Konstituisaun Repúblika demokrátika Timor-Leste (RDTL), iha artigu 99 númeru 3 ne’e hateten mo-mós katak Parlamentu Nasionál reuni ordinariamente tuirkonvokasaun prezidente Parlamentu Nasionál signifika só Prezidente Parlamentu Nasionál mak bele halo plenária,” dehan PPN, iha komfrensia imprensa, iha Gabinete PPN, 18/05.

Tuir líder orgaun daruak ne’e, ne’e agora aktu sira ne’ebé vise prezidente Parlamentu Nasionál, deputada Maria Angelina Lopes Sarmentu, halo ne’e viola Konstituisaun RDTL, no lei organika Parlamentu Nasionál nian, kodigu penal, no rejimentu Parlamentu Nasionál nian,

 

Enkuantu  vise Prezidente Parlamentu Nasionál atu halo lidera plenária bainhira prezidente Parlamentu Nasionál hetan delegasaun espesiál kompeténsia husi prezidente Parlamentu Nasionál tuir artigu 22 rejimentu Parlamentu Nasionál.

 

Jornalista     : Egidio Nono

Editor           : Nelya Barros

Tinggalkan Balasan