Povu Oe-Kusse Balu ‘Halerik’ Ba Bee Moos no Estrada

Lafaek News-Prezidente Rejiaun Adminitrativa Espesiál Oe-Kusse Ambeno (RAEOA), José Luis Guterres, konsidera iha suku balu iha Oe-Cusse kontinua ‘halerik’ ba bee moos, estrada no postu saúde nian.

“Foin lalais ne’e, ha’u ba vizita suku ida ke dok teb-tebes Estrada mós a’at, kompara karik hanesan Lolotoe, maibé ema suku ida ke di’ak no sira la hakarak buat barak, maibé hakrak mak hadiah Estrada, bee moos no postu saúde,” dehan Prezidente RAEOA, José Luis ba jornalista sira iha palásiu governu, hafoin enkontru ho primeiru ministru, Tersa (18/02).

Nia dehan, adminitrasaun ida ne’e la’o dadaun, tanba mesak timór-oan de’it, servisu ne’ebé iha no hala’o naran fatin ida, maibé nafatin fó matenek no hanoin, atu nune’e povu Oe-kusse bele moris di’ak liu tan.

Iha dia 20 Fevereiru 2020 sei reuniaun ho empreza Indonézia nian, ami sei halo enkontru ida para bele haree no kompleta buat balun ne’ebé mak seidauk hotu.

“Ami esforsu para bele fó kontribuisaun no halo di’ak ba ita nia rejiaun Oe-kusse,” dehan nia

Maske, iha Dili mós trata no esforsu para saláriu ba ita nia funsionáriu bele simu ho nafatin no projeitu ne’ebé la’o dadaun iha ne’eba ne’e kontinua nafatin servisu.

 

Jornalista : Pedro de Almeida

Editór        : Manico Ximenes

Tinggalkan Balasan