Povu Lequidoe Halerik Tanba La Asesu Ba Merkadu

Lafaek News- Relasiona ho estadu emerjénsia ne’ebé la’o Durante fulan ida ona, no karik sei extende tan ba fulan oin, komunidade Lequidoe sei halerik liu tan tanba laiha transporte publiku atu tula komunidade nia produtu lokal ba merkadu lokal no Nasionál .

Lorenso Falcão, hanesan juventude no komunidade postu administrativu Lequidoe munisipiu Ai-Leu, hateten, durante Estadu  emerjénsia ne’e iha pozitivu no negativu, husi nasionál no to’o iha nivél munisipiu, liu-liu iha Lequidoe, tanba trasporte publiku la halai no la tula komunidade nia produtu ba merkado.

“  ami nia halerik maka ami nia sabraka no tanjerinha nomos produtu lokál sira seluk labele lori ba merkadu tanba transporte publiku la halo movimentu ” dehan komunidade Lequidoe sabado, (25/4/2020)

Nia hatutan, atu extende tan estadu emerjénsia maibé povu nia moris ne’e importante tebes, tanba extensaun ne’e sei haterus tan povu ba fulan rua nia laran,

“hau hanoin atu estadu emerjénsia ne’e atu extende ou lae,  maibé  se extende tan signifika sei haterus tan ami  povu ba fulan rua nia laran, hanesan iha fulan abril ate fulan maiu ”,dehan Lorensu,

Agora ita rona dehan Guvernu atu ajuda subsidiu maibé to’o agora ita seidauk rona imformasaun loos kona-ba ida ne’e no  satu sent mos seidauk to’o ami  no komunidade nia liman ”,tenik nia .

 

Kontribuitór : Abekha Rai-Husar

Editór           : Nelya Barros 

Tinggalkan Balasan