PNTL Sei Kontrola Labarik Adultu Uza Sapatu Roda

Lafaek News—Segundu komandante PNTL munisípiu Dili, Superetendente Asisténsia Polisia, Euclide Belo, fó ona orientasaun ba ninia membru polísia atu kontrola sidadaun sira ne’ebé uza sapatu roda iha estrada públiku.

Desportu ho naran sapatu roda ne’ebé seidauk rejistu ita konsidera illegal, ami kuandu haree sei prende hotu kedan, tanba ne’e mak prátiku ami hahú kedas ohin,orienta hodi kontrola ba ida ne’e,” dehan segundu komadante PNTL munisípiu Dili, Euclides Belo ba jornalista nia iha knar fatin Kaikoli, foin lalais.

Nia dehan,aktividade ida ne’e loron kraik mak alin sira halai sapatu roda,tanba sapatu roda ninia fatin laos iha Estrada públiku

No sapatu roda ne’e tipu desportu ida ne’ebé seidauk rejistradu, treinu tenke iha fatin ida dignu no namadoras, aspál iha Dili laran ne’e ba karreta ho motorizadas atu utiliza.

“Ita antesipa para ba alin sira ne’ebé mak utiliza sapatu roda iha fatin ida ne’ebé labele mosu dezastre, tanba ne’e mak ami orienta ona hodi halo operasaun ba ida ne’e,” segundu komandante PNTL munisípiu Dili ne’e.

Euclides alerta ba inan-aman sira tenke kolabora  atu polísia bele prende labarik adultu sira ne’ebé mak utiliza sapatu roda iha estrada públiku, inan ho aman ninia responsablidade labele lasu oan hodi hetan dezastre hodi fó sala ba ema seluk di’ak liu eduka oan sira hatene estuda.

Nia informa, sapatu roda seidauk rejistu , tan ne’e polísia sei halo edukasaun sívika, tanba iha tinan rua ba kotuk  PNTL  foti dadus liu husi peskiza ida ne’ebé halo husi Universidade UNPAZ no UNDIL maioria  labarik kiik oan mak utiliza sapatu roda.

Jornalista  : Sabina Barreto Klau

Editora      : Nelya Barros

 

 

 

 

 

 

 

 

Tinggalkan Balasan