PNTL Lautém Sei Asegura Estabilidade Iha Finadu Ho 12 Novembru

Lautém-(Lafaek News)—Komandante PNTL munisípiu Lautém, Superentende Polísia, António Rego, afirma sei asegura estabilidade iha selebrasaun loro finadu iha suku 34 iha munisípiu Lautém too selebrasaun loron nasionál 12 Novembru.

“Iha fulan Novembru tinan ida ne’e iha loron boot importante tolu mak hanesan finadu monu iha dia 2 no 12 de Novembru monu iha dia 12 polísia munisípiu Lautém kontinua fo seguransa hodi garantia selebrasaun ba loron nasionál sira ne’e la’o ho di’ak iha munisípiu ne’e, ami enkontru ona iha kuartel jerál PNTL Dili ami hetan ona orientasaun para atu mai iha munisípiu defini planu di’ak ida oinsá ita hamutuk asegura ba ita nia munisípiu ne’e too suku 34,” katak António Regor a Lafaek News iha kna’ar fatin Lautém foin lalais ne’e.

Iha biban ne’e komandante PNTl munisípiu Lautém ne’e hato’o mós mensajen ba joven munisípiu Lautém tomak iha loron finadu ninian ema hotu hatene iha tinan kotuk liu ba sempre akontese problema boot iha fatin-fatin maibé husu nafatin joven sira atu iha tempu ne’ebé hamutuk hodi ba karik aifunan tenke tau nafatin konsiénsia nune’e labele iha problema iha fatin-fatin.

“Husu ba joven sira atu hamutuk ho polísia nasionál Timor-Leste oinusa mak ita bele hamutuk asegura ita nia Munisípiu ida ne’e,” António hakotu.

 

 Jornalista      : Elidio Castro

Editora           : Nelya Barros

Tinggalkan Balasan