PNTL Bandu Sidadaun Halo Tik-Tok Iha Tasi Ibun

Lafaek News—Komandante Jerál Polísia Nasionál Timor Leste (PNTL), komisáriu Faustino da Costa, alerta polísia sei la admite sidadaun sira ne’ebé gosta halibur malu iha tasi ibun hodi halo tik tok rame-rame.

“Iha loron hirak liubá ita ninia komunidade halibur malu iha tasi-ibun hodi halo tik tok rame-rame ne’e ami haruka no duni fila hotu no laos tempu atu ba tasi hodi halo tik-tok fen oan no família ba tomak,iha tasi ibun PNTL haruka fila ba uma,” Komjer Faustino ba jornalista sira hafoin remata enkontru seminal ho PR Lú Olo, iha palásiu prezidénsia Bairru-Pité, kinta foin lalais.

Lei dehan bainhira la nesesita urjénsia atu halo buat ruma hakmatek iha uma, PNTL sei hapara mós ba komunidade sira ne’ebé halai ho grupu tomak sem uza maskra hodi haruka fila hotu.

Nia dehan, iha períodu estadu emerjénsia daruak nian atividade bandu mak hanesan suspende atividade desportivas no limita movimentasaun ema iha fatin públiku hodi mantein distansiamentu sosiál tuir regras hosi organizasaun saúde munidál (OMS), no Ministériu Saúde.

Jornalista  : Sabina Barreto Klau

Editor       : Nelya Barros.

Tinggalkan Balasan