PNTL Bandu Minoridade Hemu Tua Sabu

Lafaek News—Polísia Nasionál Timor-Leste (PNTL), bandu minoridade sira hemu tua, tanba idade seidauk too no bele blokeia futuru.

 Segundu Komandante Polísia munisipiu Dili Superintendente Euclides Belo informa, Karik faan sasan hanesan tua sabu ne’e, la bandu maibé oinsa atu minimiza fo hatene ba komunidade hotu atu kontrola an didi’ak, liu-liu ba minoridade.

“Fó hatene ba minoridade sira labele konsumu tua sabu tanba, ami sei kontrola  ita boot sira, maibé inan-aman balun dehan ida ne’e direitu,” katak Euclides Belo ba jornalista sira liu hafoin partisipa iha konferénsia imprensa iha CDD kona-ba feira ne’ebé realiza husi MTCI iha jardin Habibie.

Maibé direitu ne’ebé sira halo ne’e ultrapasa bele prezudika ba inan-aman, oan sira nia future no bele prezudika mmós governu, maibé PNTL tau kanuru iha ne’eba atu eduka hodi prepara minoridade ne’ebé di’ak ba future nasaun nian.

 Segundu Komandante munisipiu Dili Euclides Belo hato’o agradesimentu ba MTCI tanba fo ona konvite ba PNTL munisipiu Dili atu partisipa iha atividade kona-ba feira loron ne’ebe sei hala’o iha loron 23-24/10/2020 iha jardin ponte Habibie Bidau Dili.

“Ha’u agradese ba ita boot sira nia konvite atu partisipa press konferense ida ne’e hodi fahe informasaun ba ita boot sira katak, atividade ne’ebé husi MTCI organiza ami apresia tebes ho prontu 100% + (plus) atu garantia maibé laos atividade ida ne’e deit,” Superintendente Euclides Apresia.

Segundu komandante ne’e dehan, Ba komunidade munisipiu Dili labele tau kestaun iha juvenil kraik kenakalan  remaja ne’ebé akontese sai kedas fatór ida atu impede fali atividade ne’ebé sira halo iha kualkér tempu hodi komunika mai polísia tanba polísia laiha rezerva atu garante seguransa.

“Sadik inan aman sira katak, industrializa turista rai laran labele hein deit ema husi rai liur mak bolu turista maibé ita iha rai laran mós bele halo turista ba malu tanba ne’e tenke halo industria didiak iha ita nia rai laran,” Euclides afirma.

Jornalista   : Orlando Magno

Editora       : Nelya Barros

Tinggalkan Balasan