PN Fasilita Formasaun Lejislativa Ba Jornalista Destakadu PN

Lafaek News—Parlamentu Nasionál kintu lezislatura ne’ebe lidera husi Aniceto Guterres, kria ona politika kona-ba kapasitasaun kona-ba prosesu lezislativa komum no espesializada ba jornalista husi média nasionál ne’ebé destaka iha parlamentu nasionál atu iha konesimentu di;ak hodi divulga informasaun kredivel ba povu.

Sekretaria Jerál Parlamentu Nasionál, Cedelizia Faria dos Santos, hatete inisiativa fó formasaun ba jornalista destakadu iha parlamentu nasionál ne’e atu fó koñesimentu papél parlamentu nia iha lejislativa komum no espesializada ba jornalista sira hodi konese diak liután nune’e halo publikasaun ba notísia ho lo-loos ba públiku

“Objetivu ida formasaun loron rua ne’e, hosi parte parlamentu nian, ita sei koalia liu, oinsa papel parlamentu nian liliu ba prosesu lejislativu komum no espesializada para ita bo’ot sira (Jornalista) bele konese didiak, liutan servisu parlamentu nian”, hateten Sekretaria Jerál PN, Cedelizia Faria dos Santos, iha abertura ba formasaun ba jornalista sira iha, salaun GMPTL, PN, kinta 29/10/2020.

Cedelizia hato’o parabens ba jornalista sira nia kolaborasaun durante halao atividade iha parlamentu nasionál, hosi media nasionál oin-oin ne’ebé fornese informasaun ba públiku.

Iha formasaun ne’e hahú  iha loron 29-30 fulan outubru 2020, formadór hosi tékniku PN ema na’in ida, Konsellu Imprensa ema na’in ida no formandu sira mai hosi mídia nasionál sira hanesan RTTL.Ep, Ajensia TALOTI. IP, GMN, Timor Post, Lafaek News, Independente, Bussines Timor, Naunil Media no Loluwari.

 

 

Jornalista  : Egidio Nono

Editora       : Nelya Barros