PM Taur Foti Solusaun Hanesan Milítar

Lafaek News-Observadór Polítika Padre Martinho Gusmão konsidera Primeiru Ministru (PM) Taur Matan Ruak foti solusaun kuaze hanesan milítar ne’ebé mak ho situasaun difisil tebes.

Padre Martinho Gusmão, dehan Primeiru Ministru Taur Matan Ruak iha korajen foti solusaun ne’ebé difisil la’ós fasil atu submete ninia rezignasaun, tenke louva nia tanba brani foti solusaun ida ne’ebé difisil.

“Nia foti solusaun ida ne’e mós kuaze solusaun milítar iha situasaun ne’ebé apertadu ita tenke evakua lai depois mak ita prepara ita nia a’an ba dalan tuir mai,” dehan Pe. Martinho Gusmão ba Jornalista iha MSSI hafoin partisipa iha serimónia tomada de posse ba estrutura  AJTL foun, iha Kaikoli Dili, Tersa (25/02).

Nia hktuir, hanoin ba ida ne’e, Prezidente Repúblika mak tenke tetu nia aseita ka la aseita kontiudu, hanoin Prezidente Republika aseita.

“Tuir regras se nia na’in rasik mak husu rezignasuan ita tenke ser aseita, sé Prezidente Repúblika mak obriga, maibé nia mak submete no Prezidente foti desizaun labele liu konstituisaun haruka,” tenik nia

 

Jornalista    : Pedro de Almeida

Editór           : Manico Ximenes

 

Tinggalkan Balasan