PJR : Ema uza ID Falsu Organizadu

Lafaek News—Prokuradoria Jerál Repùblika, prokuradór Josè Ximenes, konsidera ema ne’ebé uza media social facebook ho identidadu falsu (ID falsu) hodi trata lider nasionál sira ne’e grupu organizadu.

“Ami rejista kazu ho ID falsu ne’ebé tolok lider sira no mós falsifika dokumentus balun, ami investiga hela, ha’u hanoin katak, ami haree no analiza timor leste iha ona kondisaun ba ita atu aprova lei kona ba Cyber crime ninian, ema halo ho forma organizadu hodi kontra sósiu-kulturál timor nian,” katak Josè da Costa Ximenes ba jornalista sira iha palásiu prezidénsia Bairru-Pité tersa ne’e.

PJR dehan tenke proteze bem juridiku no lei tenke proteje ita ninia sidadaun sira,tenke refleta ba sósiukulturál sosiadade nian ne’ebé uluk bei-ala sira dehan respeita malu tenke mantein ida ne’e.

“ Sasán sira ne’ebé halo ne’e ho forma organizadu, ita labele aseita, tan ne’e governu no parlamentu tenke haree ida ne’e, ita labele utiliza demokrasia no liberdade esperasaun hodi destroi ema seluk ho naran ladi’ak iha Id falsu,” PJR ne’e.

Ministériu Públik prontu ajuda atu halo projet Cyber crime nian, see parlamentu mós husu ajuda ita porntu atu ajuda, la’ós atu defende a-b, maibé atu defende rai ida ne’e, see lae ema sira ba sai autoridade ne’e hanesan bola ne’ebé ema tebe tun sa’e arbiru de’it

PJR hatete, labele uza ID falsu hodi hatun ema ninia naran hodi konstrui tinan ba tinan atu estraga de’it ho faktus ne’ebé laiha, ID falsu ne’ebé iha no halo ho forma organizadu hanesan krime sira seluk.

Jornalista    : Sabina Barreto Klau

Editór          : Nelya Barros

Tinggalkan Balasan