PERTAMINA Internasional Sai Patrosinadór Ba JOJO Fitness

Lafaek News—Empreza husi Indonézia ho naran PERTAMINA Internasionál iha Timor-Leste sai patrosinadór ba atleta JOJO Fitness ne’ebé nu’udar Brand Embaixadór ba empreza ne’e.

Empreza husi nasaun viziñu Indonezia ne’e, aleinde halo negósiu iha Timor-Leste, maibé sira mós hakarak hola parte iha atividade sira ne’ebé la’o iha area sira seluk, hanesan iha setór desportu.

“Ita iha kometimentu buka atu apoiu dezenvolve  joven Timoroan sira nian vontade,”  afirma ezekutivu PERTAMINA Internasionál Timor,  Beni Harto Wijaya ba media nasionál sira iha Timor Plaza, sábadu (25/10).

Ezekutivu ne’e dehan, apoiu ba JOJO Fitness nu’udar pasu dahuluk iha desportu nian, PERTAMINA fó asisténsia finanseira no mós nesesidade ekipa presiza hodi dezenvolve an.

“Ho parseria ne’ebé ita iha, ita fiar katak JOJO fitness sei dezenvolve an di’ak hodi kompete iha rai laran no mós bele ba kompete iha rai seluk,” nia dehan.

Ezekutivu ne’e hatutan,  ho prezensa atividade kompetisaun sira iha desportu lori joven sira  kontinua iha vontade no hatudu papél foin-sa’e nian, Tanba joven sira maka  futuru nasaun ba oin.

Iha fatin hanesan, João Batista da Conceição Miranda, nu’udar atleta JOJO Fitnes apresia ba parseria ne’ebé halo ona ho Pertamina Internasional ne’e, tan ne’e sei hatudu prestasaun ne’ebe iha palku kompetisaun nian.

“Ha’u hanesan atleta muda foin ba dahuluk hetan sponsor hosi PERTAMINA internasionál Timor, kontente orgullu no agradese,” tenik atleta João.

Jornalista  : Rosa Fernandes

Editora      : Nelya Barros

Tinggalkan Balasan