PAPEL FOINSA’E BA HARI’I NASAUN TIMOR-LESTE

Nome : Filipio Soares

Tur iha Banku Universidade Nacional Timor-lorosa’e (UNTL)

Fakuldade de Filozofia e Ciências Humanas (FFCH)

Departamento filozofia

Klase II ano

Libertasaun pátria la’os liafuan sinónimu ba harii estadu ida, maibé fundamental liu mak sistemas ho instituisõens demokrátikas no komportamentu politik na’in sira nian, tenki tuir duni prinsipius demokrasia.  Hanesan Herbert dehan, The great aim of education is not knowledge but Action”. 

Foinsa’e mak ai-riin nasaun nian ne’ebé luta ba prosesu dezenvolvimentu tomak, Papel foinsa’e sira nian  mak buka transfere, karater mitológiku sira ne’ebé ita iha hodi semo tuir prosesu dezenvolvimentu mundu modernu ohin loron. Hanesan ita hatene envolvimentu jovens nian maka’as tebes iha funu duarante tinan naruk iha tempu sira liu ba, tamba ne’e partisipasaun juventude nian iha no ba libertasaun povu hodi ba hari’i Murak Timor-Leste iha mundu globalizasaun ida ne’e la’os buat foun ida. Hanesan Sr. Manetelo dehan iha III (terceiru) kongresu ba dala III (tolu)  CNJTL nian, katak “agora juventude tenke ho partisipasaun máximu ba prosesu dezenvolvimentu ho trankuilidade no demokrasia”, tamba juventude mak ai-riin nasaun nian.

Hanesan foin sa’e tenki aktiva, partisipativa no transfigurativu hodi transforma aspetu sira hanesan sosial, kultural, politik no ekonomia, tenke hatudu nafatin “tenacidade” ka kegigihan hanesan  iha funu ba libertasaun nasional. Atu labele trai libertasaun ho ukun-an ne’e, maibé hanesan Carlos da Silva Lopes F.R. Saky dehan,

– Buka dezenvolve espíritu krítiku ne’ebé fasil ita hala’o liberdade pesoal ne’ebé lori di’ak ba hotu-hotu, ho hanoin sira ne’e,  juventude hanesan ai-laletek, forsa ba transformasaun ho neon boot hateke ba oin nafatin.

Konstituisaun RDTL, Art. 9 nú. 1. Fó konfiansa tomak ba foin sa’e sira, sai motor ba dezenvolvimentu, iha ne’ebé Papel importante mak komportamentu, konduta ou funsaun ne’ebé ema ida hala’o iha grupu ida nia laran. No sidadaun hotu-hotu iha obrigasaun, ida ne’e hatur iha Konstituisaun RDTL artigu 49.1 hateten “Sidadaun hotu-hotu iha direitu no dever atu kontribui ba defeza independensia, soberania no integridade teritoriu nasaun nian”.

Jovem pasadu: ita nia jovem maluk sira, iha okupasaun Portugues durante tinan 450 (atus hat lima nulu) mai to’o Indonesia ukun ita durante tinan 24 rua nulu resin hat, sira nunka ta’uk no nunka hakiduk hakarak liberta rai ida ne’e, ne’e mak to’o ohin loron ita ukun rasik an.

Jovem prezente: se mak jovem prezente no se mak ita agora saida mak ita halo, agora ita hela iha ne’ebe no lori nasaun doben timor-leste ba iha ne’ebé, la’o oinsa no sai oinsa, hanesan jovem foinsa’e tenki iha prinsipiu rasik no sai jovem ne’ebé ativu, inovativu, krítiku, transfigurativu no transformativu.

Jovem iha futuru: se mak jovem iha futuru la’os ita nia jerasaun sira tuir mai?

Se ita nia jerasaun sira, sa mak ita prepara hela hodi sai história no memória ba sira,

Hanesan foinsa’e tenki badinas, matenek no neon badaen, atu nune’e sira bele temi fila fali hanesan agora ita temi jovem sira iha pasadu

foinsa’e  tenki sai agente colaborativu no agente transformativu, se mak foinsa’e agora no se mak ita hirak ne’e. prezidente America Jhon canedy nia liafuan  dehan “ don’t ask your nation what your nation do for you ask for your self what you do for your nation” katak hanesan foisa’e labele husu ba nasaun, saida mak (Nasaun) rai doben Timor-Leste halo ba ó, husu ba ó nia an saida mak ó halo ba rai doben timor-leste,   ha’u maluk foinsa’e sira hotu mai ita hamutuk tula liman ba malu se dikur hamtuk tula kbaas sai ida de’it hodi halakon tiha Jovem tudik, jovem fatuk no jovem ai-dona.

Molok atu termina ha’u lian mamuk  ida ne’e, hanesan sidadaun Foin Sa’e, ba ita hotu, funsiona didi’ak ita nia funsaun ho vontade ne’ebé maioria, atu nune’e hetan efetividade ba hari’i Murak Timor-Leste ida ne’e. Xave ba ita mak, kuda valor moral sira, liu hosi kapsidade intelektual nune’e ba hari’i ka konstrui karakter ida ne’ebé inovativu, krítiku no ativu. Hanesna iha Doutrina Taoista sira nian Dehan, ema ne’ebé hatene lia loos no hakarak buat di’ak ba nia nasaun sei la koalia barak no halo diskusaun barak, maibe Asaun.

Materia simples ida ne’e hakerek nain elabora iha kompetisaun diskursu publiku iha colegio são Miguel hodi compete entre nivel universitario iha faze primeiru  okupa primeiru lugar, tamba ne’e hakerek nain hakarak fahe ninia konesimento tuir kbiit nebe mak iha, karik liafuan ruma iha testu ne’e nia laran la to’o no la kona ka la monu ba ita boot sira nia futar fuan hakerek nain ho hakraik an husu nafatin ideia hodi suporta nafatin ha’u.

 

 

 

 

 

 

 

Tinggalkan Balasan