Odete : Ema Estranjeiru Tama TL Tenke Aprezenta An Iha MS

Lafaek News— Ministra Saúde, Odete Maria Freitas Belo, husu ema hosi rai liur ne’ebé tama mai Timor Leste, primeiru tenke fó konesimentu uluk ba Ministèriu Saùde ho intensaun prevene pandemia Covid-19.

“Iha nasaun vizinu moras ne’e sei iha entaun ita tenke tauk maibe hau haree hanesan ita la tauk ida ne’e mak sai hanesan problema, ema estranjeiru sira atu tama mai rai laran presiza hato’o uluk karta koinesimentu ba Ministériu Saúde atu bele asegura no prevene moras Covid-19 da’et iha rai laran,” katak Odete ba jornalista sira hafoin partisipa iha serimònia enseramentu SIJK iha CCD tersa (30/6).

Hodi dehan, lala’ok ema estranjeiru sira atu mai ne’e la’os naran mai de’it, maibe sira tenke halo karta mai ministèriu saùde  atu iha kedan ona kriteria katak, ema mai hosi rai liur tenke iha sertifikadu livre husi moras Covid-19 no tenke tama karantina,  kualkér ema ne’ebe atu tama mai rai laran liu-husi fronteira terestre no aeroportu presiza ba simu sira atu asegura.

“Sira kuandu tama mai iha aeroportu ita mak tenke ba foti sira atu nune’e asegura katak, sira ne’e ba iha fatin ne’ebe ita prepara”, Nia salienta

Ministra ne’e husu mós ba populasaun sira iha Timor Leste atu kumpre mòs regra hosi ministèriu saùde, hanesan mantein distansiamentu sosiàl no evita rei malu ho ema nu’udar mekanizmu prevensaun ba  transmiasaun Covid-19.

Nia esplika, meus ne’ebé atu evita an hosi virus refere presiza uza maskra, labele kaer liman no labele rei  malu ho maluk sira, bainhira laiha prevensaun susar atu elemina virus koroña iha Timor Leste, tanba iha país viziñu liu-liu Indonézia kazu ne’e kontinua ezisté.

Governante afirma, maske estadu emerjènsia remata ona, maibè bainhira sidadaun ne’ebe de’it atu tama mai rai laran kontinua aplika regra tama karantina obrigatòriu no auto kuarentena.

 

Jornalista        : Egidio Nono

Editora            : Nelya Barros

Tinggalkan Balasan