NSP Desimina Informasaun prevene COVID-19 Ba Populasaun Aileu

Lafaek News—Ekipa Nasionál Saúde Públika (NSP), hamutuk ho Servisu Saúde munisípiu Aileu, kuarta (22/), hala’o sensibiliza informasaun ba komunidade sira kona-ba oinsá prevene surtu korona virus ka COVID-19, atu sir abele hatene hodi evita an liu hosi fase liman no distánsia sosiál

Ba Lafaek News, Diretora Nasionál Saúde Públika, Isabel Maria Gomes, hateten objetivu hosi prezensa iha munisípiu refere atu fahe informasaun ba komunidade kona-ba  ion sá halo prevensaun COVID-19, tanba maioria populasaun hela iha suku aldeia too rurál.

“Ha’u hanoin em prinsípiu hosi ministériu saúde ami durante loron tolu ona, objetivu atu  mai iha munisípiu atu reforsa atu halo desiminisaun ba COVID-19  ba ita nia populasaun hotu hahú kedas hosi munisípiu ba suku, no too iha aldeia , atu nune’e ita nia komunidade sira mos bele hetan informasaun oinsá atu prevensaun kona-ba surtu Covid-19, katak Isabel ba Lafaek News iha edefísiu Sentru Saúde Aileu foin lalais

Nia hatutan antes ba komunidade sira halo kedas kordenasaun ho diretór saúde munisípiu  Aileu,tuir mai ekipa  desloka kedas ba komunidade hodi fahe informasaun,  tanba jeralmente komunidade maioria mak hela iha baze

“Ami mai halo ona ona kordenasaun ho diretór saúde munisípiu Aileu no ami  tun ba kedas iha baze hodi sensibiliza informasaun ba komunidade atu halo prevensaun ba  COVID-19 ne’ebé oras ne’e espalla iha mundu tomak jeralmente, tanba ita hatene katak povu ne’e iha baze entaun ita presiza fahe informasaun ba sira oinsá atu halo prevensaun ba virus refere,” tenik diretora NSP ne’e.

Entretantu iha ne’e  atividade hetan apoiu maximu hosi guvernu no parseiru internasional hanesan UNICEF ho Mercycorp iha TL hanesan atuplante no transporte hodi fasilita eventu ho susesu.

“Apoiu atividade ne’e ba dahulu  governu rasik no parseiru sira hanesan UNICEF no parseiru sira seluk iha Aileu MERCYCORP, ajuda durante atividade la’o intermu transporte no TOA hodi fahe informasaun,” nia relata.

Tanba ne’e apela komunidade atu kumpri nafatin regra ne’ebé fo sai ona hosi ministeriu saúde kona-ba ijiene pesoál, distansiamentu sosiál,  fase lima n no uza maskra bainhira atu la’o ba iha fatin publiku inklui iha uma.

Kontribuitór      : Julião Andrade

Editor                 : Nelya Barros 

Tinggalkan Balasan