Natalino Sujere Jerasaun foun tenke kuda kultura voluntarizmu

Lafaek News–Prezidente Forsa Humanista Timor-Leste sujere núdar jerasaun foun tenke mai ho prinsípiu ka kultura voluntarizmu tanba foinsa’e uluk luta ho voluntáriu atu liberta pátria, foinsa’e ohin loron tanke prontu ho voluntáriu liberta povu doben Timor-Leste husi ki’ak no mukit.

Natalina esplika Forsa Humanista Timor-Leste (FHTL) mai ho nia espirítu voluntáriu, servisu voluntáriu ba Timor oan hotu, FHTL mai ho nia filozófia ida katak, uluk sira mate ho voluntáriu ba libertasaun pátria no ohin ema ne’ebé sei moris kontinua servisu voluntáriu ba libertasaun povu.

“Obra ne’ebé sira husik mai ita ne’e hanesan oportunidade atu toma responsabildade nu’udar jerasaun foun hodi kontinua obra ne’e, hodi liberta povu husi kiak no mukit,” dehan Prezidente FHTL, Natalino Barros iha nia diskursu, iha Universidade da Paz,

Prezidente ne’e hatete,nasaun ne’e atu liberta mai ho prinsíspiu ida katak, mate ka moris ukun rasik-an ne’ebé nakfila ba objetivu rua(2), libertasaun pátria no libertasaun povu.

Libertasaun pártia, ita nia heroi sira libera ona maibé libertasaun povu ida ne’e, ita hotu nia resposabilidade núdar jerasaun foun atu liberta povu iha area edukasaun, saúde, agrikultura no area seluk tan.

“Maibé atu kontinua óbra ida ne’e, atu liberta povu ida ne’e, presiza ita hotu nia reponsabilidade tanba ne’e mai ita fó liman ba malu, tula liman ba malu hodi lori rai doben Timor ne’e ba futuru ne’ebé nakonu ho prosperu,” dehan nia

Nia hatutan, Atu hatete de’it katak see Governu de’it la bele halo buat ida, see FHTL la bele halo buat ida, se oganizasaun balun de’it la bele halo buat ida, maibé bainhita ita hamutuk tula forsa hamutuk mak foin bele lori Timor ne’e ba oin.

Joven ne’ebé ho karaktéristika lider tenke iha karakter K 4 katak, atu sai lider tenke krítiku, kreativu, komunikativu no ikus liu tenke sai koperativu, ho karakter  K4 ne’e mak bele kontribui ba dezenvolvimentu rai doben Timor-Leste .

Ekipa ne’ebé kria husi FHTL hamutuk 70 serin ne’ebé mak dadauk ne’e haknar-an iha Rai ida ne’e ho vizaun ida katak Timor oan hotu tenke matenek hanesan Timor oan lolos ho misaun mak edukasaun popular, edukasaun ne’ebé ba ema hotu.

Edukasaun ida ne’ebé hanesan ba ema hotu, la haree ba ema kiik ka boot, riku ka ki’ak maibé núdar Timoroan see mak hakarak aprende, ne’e ita hotu ho espíritu voluntáriu ita fahe matenek ba malu no ho prinsípiu ida katak ema ida seidauk matenek see bainhira nia seidauk fahe tutan nia matenek ba ema seluk.

Nia hakotu, nanesan jerasaun foun, tenke kria bee matan ba foinsae sira seluk, la bele husi mata bee ba foin sae sira.

 

jornalista  : Felisberto Fernandes da Costa

Editora      : Nelya Barros

Tinggalkan Balasan