MTKI- USAID Lansa Ona Projetu Turizmu Ba Ema Hotu 

Ministru Turizmu Komérsiu Indústria , José Lucas do Carmo da Silva.

Lafaek News – Ministériu Turizmu Komérsiu Indústria (MTKI) servisu hamutuk ho USAID’s, ofisiamente lansa projetu Ha’unia Timorleste turizmu ba ema hotu hodi esplora Timor Leste nia potensialidade ne’ebé seidauk deskobre iha setór turizmu.

Diskursu Ministru Turizmu Komérsiu Indústria,  José Lucas do Carmo da Silva, hateten kona-bá setór turizmu governu konsidera papél parseiru sira nia kooperasaun interativu tebes iha prosesu dezenvolvimentu, no oportunidade  tebes atu dezenvolve nasaun.

“Oportunidade ne’ebé maka ita iha atu servisu buka esplora potensialidade ne’ebé iha ita nia rai laran hamutuk ho ita nia  parseiru sira, ho liafuan ha’u nia Timor Leste, bolu ita hotu nia sentimentu katak ne’e ha’u nian, molok ida ne’e mos iha ona konseitu ida turizmu for all, ida ne’e konseitu ida katak turizmu ita hotu nian, la’os ema ida nian,” dehan MTKI José Lucas do Carmo da Silva, husi nia diskursu iha Timor Plaza, tersa, (21/09/2020).

Governante esplika, governu Timor Leste kooperasaun ho Estadu Unidos Amérika ne’ebé mai ho konseitu hatu’ur setór turizmu iha leten, nune’e bolu konsiénsia ema hotu nian atu hadia no haforsa liután, tanba governu prontu fasilita.

“Ita servisu hamutuk parseiru no komunidade iha nasaun ida ne’e atu tane a’as nasaun ida ne’e, atu hadia no haforsa ba oin ho konseitu ne’e atu hadia ita nia seitór turizmu, governu fasilita maibé esforsu mai husi ita bo’ot sira hotu, ne’e duni governu nafatin iha ita bo’ot sira nia sorin atu ita lorin programa ida ne’e ba oin,” tenik José.

Embaixadora Estadus Unidos Amérika (EUA), Kathleen M. Fitzpatrick, afirma kooperasaun ne’e hamutuk ho governu Timor Leste, loke expo turizmu hodi bele promove no dezenvole  turizmu doméstiku.

“Ita promove turizmu doméstiku, ita mos lansa EUA ho TL nia kampaña ho programa Ha’u Nia Timor Leste, ne’e hanesan parte ida atu esplora fatin ne’ebé seidauk deskobre, no ami mos sente orgullu tebes ho ami nia USAID’s ninia projetu turizmu ba ema hotu, nia obejtivu atu apoiu Timor Leste hodi alkansa ninia metas rasik ba setór turizmu nian,” hateten Kathleen.

 

 

Jornalista           : Pedro de Almeida

Editora               : Nelya Barros

Tinggalkan Balasan