MS Sei Halo Peskija ba ai-han No Nutrisaun

Lafaek News- Ministeriu saude (MS), fó ona orientasaun ba ekipa ida, konstitui husi ema na’in 64, atu halo peskija ba Ai-han no nutrisaun durante fulan tolu nia laran.

Diretora Jeral Prestasaun Servisu MS, Odete  da Silva Viegas,hatete, peskiza ne’e fó vantajen ba komunidade iha kontextu produsaun aihan nutritivu.

“Peskija nutrisaun ikus hala’o iha 2013 no tempu to’o ona, ita halo fali peskiza ba programa nutrisaun,” anúnsia Odete Viegas ba jornalista iha salaun Palacio da Sinzas,Caicoli Dili, sexta-feira (20/03)

Odete dehan, Orsamentu ba peskiza alimentu nutritivu ne’e mai husi Uniaun Europeia, Governu Koreia do Sul, UNICEF,ho Programa Alimentasaun Mundial ka FAO.

Peskiza ne’ebé sei hala’o durante fulan tolu nia laran sei hahu iha segunda-feira semana oin.

“Ita foti mediku sira no sira ne’ebe mak hala’o knar iha saude hanesan infermeiru no mós  ba sira ne’ebe mak iha saude publika no universitariu sira, tanba peskija ne’e sei hala’o iha teritoriu laran tomak,”.Tenik Odete

Sasukat ba peskiza ne’e mak nutrisaun ba sidadaun liu-liu labarik sira, inan isin rua no sei hare husi apektu krekas, todan no altura.

Dadus ne’ebé sei rekolla husi komunidade kumpre rekezitu ne’ebé prepara ona husi Ministériu Saúde.

Jornalista : Sabina Barreto Klau

Editòr       : Jreiz

 

Tinggalkan Balasan