MS Hein OJE Sosa Ambulánsia, Pasiente Lautém Kontinua Sa’e Karreta Privadu

Karreta Ambulánsia ne’ebe a;at Iha munisípiu Lautém.

Lafaek News–Ministériu Saúde (MS) sei hein Orsamentu Jerál Estadu (OJE) 2020 aprova mak sosa karreta ambulánsia hodi responde ba Sentru Saúde Munisípiu Lautém, maibé ne’e fó impaktu pasiente ne’ebé moras grave. 

Karrera Ambulansia kuaze iha sentru saude postu-administrativu Lospalos at hotu, no laiha ida mak di’ak hodi tula pasiente sira ba sentru saúde sira.

Hatan ba preokupasaun ne’e mak Ministra Saúde (MS), Odete Maria Freitas Belo, hatete, tenke halo manutensaun ba ambulansia ne’ebé avaria iha sentru saude sira, kuandu orsamentu jeral estadu 2020 aprova MS iha planu sosa ambulansia foun.

“Ambulansia ne’e importante bainhira kuandu ita nia OJE 2020 iha aprovasaun ita hanoin katak ambulansia ne’e, sempre importante ba ita nia komunidade sira no pasiente sira tan ne’e, hakarak ka lakohi ita tenke iha planu par sosa ambulansia foun,” dehan Ministra Saúde, Odete Maria Freitas Belo ba jornalista hafoin partisipa iha reuniaun komisaun interministérial iha palásiu governu, Kinta (25/06/2020).

Ho preokupasaun sentru saúde iha munisípiu kona-ba ambulánsia ka assuntu lojistika nian, tanba servisu dezentraliza ona ba sira tan ne’e tenke servisu hamutuk ho administradór munisípiu atu bele haree kona-ba assuntu saúde nian.

“Tanba buat barak mak ita dezentraliza ba sira, tenke foti desisaun karik ambulánsia aat ka be’e laiha sira labele ke no labele keisa, maibé tenke buka solusaun,” tenik ministra

Nia dehan, klaru sentru saíde sira iha munisípiu no administrativu sira preokupa ho fasilidade barak inklui ambulánsia multifunsaun, maibé presiza mós halo manutensaun ba kareta ne’e.

Antes ne’e responsavel Ambulánsia Lautém ne’e esplika, pasiente kontaktu ba ambulánsia atu tula pasiente, maibé aat iha dalan lakonsege tula pasiente ba lolospalos vila.

“Pasiente ne’e telfone ami ba duni, maibé ami to’o iha suku Kakavei karreta ne’e aat, tan uza fali ambulánsia multifunsaun, maibé nafatin aat iha dalan ne’e mak paseinte mai ho nia karreta privdu ba halo tratamentu iha Dili,” hatete Amdoro Miguel Sampaio

Observasaun Lafaek News nota katak, ambulánsia ne’ebé durante halo atendementu ba pasiente sira iha Lautém rua, ida aat roda laiha no parte tekniku hadia ona, maibé a’at fila fali ona, tuir dadus hatudu katak karreta ambulánsia jerál rua ne’e para hotu iha sentru saúde Lospalos.

 

 

Jornalista     : Pedro de Almeida

Editó             : Manico Ximenes 

Tinggalkan Balasan