Mota Sobu Uma Kain 9, To’o Agora Seidauk Hetan Apoiu Hosi Governu

Lafaek News-Kinta horise’ik  (23/01/2020) mota konsege sobu uma kain hamutuk 9 iha suku Becora, Aldeia Au-hun desde horikalan 8:00 Otl to’o agora seidauk hetan atensaun hosu Minietériu relavante.

“Ami nia uma mota sobu desde horikalan mais ou menus 8:00 Otl, maibé to’o oras ne’e ministériu relevante seidauk tau atensaun ba ami, entaun halo komparasaun ba ami ho rusa fuik sira iha illa Jaco ne’eba rusa, sira tau prioridade liu ba animal fuik, maibé ami ema kriatura estadu la preokupa,”  informa Cristina da Costa ba Lafaek News iha aldeia Au-hun, Sesta (24/01)

Nia akresenta katak, rusa fuik de’it la iha bee atu hemu, parte governu sei hodi bee iha kareta 4 ou 5 ba fó hemu rusa sira iha Jaco, maibé kuitadu ami ne’e ema ka la’ós.

“Ami ema kriatura ne’e mota sobu hotu ami nia uma, maibé ministériu relevante la mosu mai atu haree ami nia kondisaun ne’e oinsa, maibé rusa fuik iha jaco ne’e foin 2 mak mate deit, ita nia maun bo’ot Xanana dehan la bele haan, tenke hakoi tiha, no maun boot Xanana rasik mak lori bee ba fó hemu rusa sira iha jaco ne’eba, tanbá sa mak ami ema ne’e mota sobu ami nia uma ne’e liu tiha ona oras 24, maibé laiha parte Governu ida mak atu mai haree,”  haktur Vítima Cristina

Tuir observasaun Lafaek News katak, loos duni mota sobu uma kain 9, iha suku Becora, Aldeia Au-hun, komesa horikalan mais ou menus 8:00 Otl, no to’o oras ne’e seidauk hetan atensaun husi parte governu.

To’o notisia ne’e públika jornalista lafafek News seidauk halo konfirmasaun ho ministériu relevante.

 

Jornalísta       : Sandi Belo

Editór             : Manico Ximenes

Tinggalkan Balasan