Mota Sobu Uma 156, Ferik ho Idade 80 Hetan Salva Husi Labarik

Lafaek News-Horise’ik Dominggu, 29 Dezembru 2019 ne’e akontese udan boot hodi sobu uma hamutuk 156 no labarik minoridade salva ferik ho idade 80 iha suku manleuana, postu Don Aleixu munisípiu Díli

Doni Costa do Santos  ho idade tinan 16 ajuda Angelina Belo ho idade 80 ne’ebé impaktu husi udan makaas durante oras ida resin iha kapitál dili halo mota boot no estraga komunidade nia uma iha aldeia Laulora, suco Manleuana hamutuk atus ida lima nolu resin neen (156).

Doni Costa do Santos ho idade tinan 16 (Karuk ) Apolinario do Santos idade 19 Lo’os maka ajuda Avo Angelina Belo husi mota.

“Ha’u iha uma laran maka mota tun derepente, ha’u hateke ba sorin-sorin bee sa’e to’o ha’u nia hirus matan Bee mai halai labele ona hodi hakuak de’it ai-hun oan ida hodi husu ajuda ba vijinu sira maka mai ajuda, mak la ajuda karik ha’u mate ona,” dehan  Angelina ba Lafaek News, Segunda (30/12) iha Manleuana, Díli

Nia haktuir, roupa ne’ebé mak nia hatais mós bee lori hotu ona labarik nain rua mai ajuda no nia familia mak fó fali nia roupa mai hodi hatais fali.

Uma ne’ebè mak hetan estraga ne’e total nia osan idozus hamutuk dollar atus neen (600) ho fahi boot ida mak bee lori hotu ba tasi.

Nia sente triste, tanba uma nia kakuluk monu hotu, hateke ba bei-oan sira la iha ema ida nia hi’it liman hakilar be-oan la hetan ona entaun hein mate de’it ona tanba bee sa’e tàn, agora dadaun sente nia fuan ne’e la’os iha nia laran ona.

“Ha’u hambrik iha mota sorin atu ba lori sai kolega nia motor, ha’u haree avo hi’it liman, husu ajuda ha’u ba mota boot ona, maibé nia husu ajuda, ha’u tama de’it,” informa Doni Costa do Santos ho idade 16 ba lafaek News

Doni esplika, momentu tama ba ajuda mos tauk, maibé nia hakilar husu ajuda entaun halai korta mota tama de’it, bee atu lori ami rua hotu, maibé  kulu hun ida maka iha netik hodi kaer ne’e maka nia maun Apolinario do Santos idade 19 ba ajuda tan ami rua maka konsege sai husi mota.

Nune’e, Avo ami lori mai uma hodi fó roupa ba hatais laiha ona mak familia fò fali hena ho jaket ida ba avo hatais tanba malirin los ona.

Uma fatin Avo Angelina Belo

Segunda feira 30/12 /2019  Vitima sira hetan ona ajudus Urujente husi Sekretáriu Estadu Protesaun Sivili Alexandrino Araújo, ho ekipa  Cruz Vermeilla Timor Leste (CVTL ) no Bombeirus ajuda hamos tahu iha komunidade nia uma no ajuda mos nesesidade baziku hanesan fo’os, bimoli Biskuit, supreme, kapa (Terpal) ba Uma kain ne’ebe hetan estragus.

Jornalìsta   : Massinara

Editòr         : Manico Ximenes

 

Tinggalkan Balasan