Mota Lima Kontribui Fo’er Barak Ba Tasi, Komunidade Laiha Konsiensia

Fo’er ne’ebe nakotu iha Tasi ninin.

Lafaek News-Durante fo’er ne’ebe sempre mosu iha tasi ibun ne’e, kontribui hosi mota lima (5) mak hanesan Mota Bidau, Palapasu, kampung Alor, no seluk mak Mota boot suku Comoro mak kontribui barak liu ba tasi hodi estraga ambiente no riku soin Timor iha laran, tanba komunidade laiha konsiensia hodi fo’er ba mota laran.

Preokupasaun hato’o hosi Salavador de Carvalho Simoens ne’ebe hili fo’er husi ponte pertamina to’o iha mota Comoro, hatete, durante  fo’er barak liu tama iha tasi no tasi ninin ne’e barak liu mai hosi mota lima mak hanesan Mota Bidau mota palapasu, kampu alor mota rua Mota Comoro.

Foer ne’ebe mak ami hili lor-loron ne’e liu mak Aqua, Plastiku, Hena, Botir, Kalen a’at no softes mak namkari iha tasi ninin no tasi laran ne’ebe mak ami haree ho matan tanba, loron ida ami hili de’it fo’er ema ida bele hili plastik sampa nian to’o sanalu ba leten iha tempu udan no bailoron,”  Konta Salvador trabailador iha kompania Green Solution ba Lafaek News iha tasi ibun arbiru beach, Kuarta (17/06/2020).

Nia dehan, atu hamenus foer ne’e wainhira komunidade iha mota ibun labele so’e lixu direita ba mota, maibe tau iha lixu fatin mak kareta saneamentu ba foti so’e iha lixu fatin tibar.

Makse, bai-loron ona, maibe tasi been husi Cristu Rei to’o, iha JP tasi tolu tasi been kontinua fo’er  hatudu katak, fo’er barak mk kada loron tama tasi laran ne’e. 

Tanba ne’e, husu ba komunidade sira tenke iha konsiensia atu labele so’e foer ba Mota laran, nune’e labele lori estraga ambiente ne’ebe mak furak iha tasi ninin no tasi laran, tanba Timor-Leste mos defende ba riku soin iha tasi laran hanesan Mina no gas ne’ebe mak tinan sempre aprezenta ba Governu.

 

Jornalista     : Egidio Nono

Editor            :  Floriano Soares

Tinggalkan Balasan