Moras  Kulit Ho ISPA As Iha SSVK   

Lafaek News — Moras ne’ebé rejista iha Sentru Saúde Vera Kruz (SSVK) durante fulan janeiru-jullu 2020, rejista moras ISPA hamutuk 11,912, no moras kulit iha 20.625.

“Sentru saúde nia papél, atu atende pasiente ne’ebé mak ho moras saida de’it maibé husu mós ba komunidade sira atu nafatin kuidadu saúde tanba ita hatene katak moras ISPA ne’e perigu tebes karik ita la halo tratamentu ”,dehan Dulce Pinto Tilman,  ba lafaek news iha knaar fatin sentru saúde Vera Cruz formoza II Dili kuarta 02/09/2020.

Enkuantu nia hatutan, Moras ISPA iha sentru Saúde refere ho pursentu as, maibé stok aimoruk sufisiente hela ba pasiente hodi bele kura moras ne’e iha sentru refere, maibé husu ba komunidade hotu atu nafatin manten kuidadu saúde, atu moras ISPA ne’e para iha fulan ne’e de’i ona labele kontinua tan ba oin, han hahan ne’ebé mak tasak di’ak, no keta haluha fase liman bebeik, saúde iha ita nia liman rasik, nia hakotu.

Xefe Sentru Saúde Vera Kruz Dili, Dulce Pinto Tilman, esplika durante ne’e sentru saúde Vera-Kruz rejista moras ho pursentu as liu iha fulan janeiru to’o jullu ISPA hamutuk 11,912, diarea 2610, moras kulit 20.625, pneumonia 371, Scabies 280, Asidente seluk 318, asidente trafiku 116, no dengue 83.

Total numeru hosi moras hitu ne’e hamutuk 20.640.690 ne’ebe rejista iha sentru saude Vera Kruz hahu husi Fulan Janeiru to fulan Jullu tinan 2020.

Jornalista                            : Rita Moniz

Asisténsia editor                : Egidio Nono

Tinggalkan Balasan