MESSK Klarifika Subsídiu Governu Ba Sidadaun Timor Iha Estranjeiru

Lafaek News–Ministru Ensinu Superior Siensia no Kultura (MESSK), Longuinhos dos Santos, klarifika katak Tuir Dekretu lei nu.21/2020 ne’ebé produs husi Ministériu Negósiu Estranjeiru Kooperasaun ne’ebé trata assuntu ba sisdadaun Timor-oan ne’ebé iha estranjeiru la fila mai Timor, tanba  Lockdown nune’e apoiu subsídiu ba Timor-oan la’os ba estudante.

Longuinhos dos Santos, esplika kona-bá dekretu lei ne’ebé produs no komponente ne’e mai husi ministériu negósiu estranjeiru kooperasaun atu trata asuntu refere.

“Subsídiu ba timor oan sira la’os estudante, ne’e iha dekretu lei Nu 21/2020 ne’e atu trata asuntu ba timor sira ne’ebé maka hela temporariu iha rai liur ne’ebé mak depedensia mai iha Timor Leste, komu estudante sira iha rai liur mós timor oan tanba nemaka halo tratamentu hanesan ema timor oan,” dehan MESSK, Longuinhos dos Santos ba jornalista sira iha edefísiu MESSK, Sesta, (11/09/2020).

Governante esplika, intensaun governu fó subsídiu ba timor oan iha rai liur ne’e objetivu prinsipal maka atu limete timor oan sira iha rai liur labele tama mai Timor hodi evita moras Covid-19 mai iha timor leste, no hala’o tuir lei organika  oitavu governu nian.

“Entaun governu iha estratejia katak tenke fó subsídiu ba Timor-oan iha rai liur la’os ba estudante maibe ne’e ba ein jeral ne’ebé mak trata ba assuntu ne’e husi MNEK, tanba tuir organika oitavu governu konstituisional ba ministériu negósiu estranjeiru nian katak ne’e atu promove no asegura sidadaun timor oan sira iha rai liur,” tenik Longuinhos.

Enkuantu subsídiu ba timro oan iha rai laran hanesan ita bot sira hatene katak governu halo ona atuasaun hare’e ba subsídiu Ṩ200 ba kada uma kain iha munisipiu sira ne’e hanesan meius ida ne’e atu tulun timor oan sira, maibe husi peskiza MSSI hatudu pursentu 45 ne’e benefisiu mós ba eduksaun.

“Signifika katak husi pursentu 45 ne’e fó benefisiu mós ba estudante sira tanba ne’e mak governu halo atuasaun ba sidadaun Timor-oan sira rai laran ne’e, maka subsídiu ba uma kain, eletrisidade gratuita no mós subsídiu ba trabalador sira iha porsentu 60,” nia hakotu.

 

 

Jornalista                : Etelvina Sarmento/Belinha d.c. dos Santos

Asisténsia Editór    : Pedro de Almeida

Tinggalkan Balasan