MCC Apoiu Rihun $285 Investe Ba Area Edukasaun no Agua Saneamentu

Lafaek News—Millenium Challenge Coorporation (MCC), sesta (24/07/2020), apoiu orsamentu $285.000 ba  Compact  Development Team Timor-Leste (CDT-TL), objetivu atu investe iha area rua hanesan edukasaun no agua saneamentu.

“ Ita hetan apoiu husi Amérika liu husi sira nia ajénsia Millennium Challenge Coorporation hamutuk $285  mill dollares atu investe iha area edukasaun nian ho agua saneamentu,” hateten Diretór  Ezekutivu Nasionál CDT-TL, Constancio Pinto,ba jornalista sira iha salaun MSSI  Kaikoli, sesta (24/07/2020).

Nia hatutan ba da-daun ne’e iha faze preparasaun ba proposta, no sei assina akordu refere nune’e iha tinan oin bele implementa ona projetu ne’e edukasaun no agua saneamentu.

“Apoiu ne’ebéAmérikafó mai ita selu de’it ho nia retornu ekonómiku ne’ebé sei hadia povu nia moris, hadia edukasaun ne’ebé mak ho kualidade, hadia Dili sai matak liután, no ita nia populasaun mós isin saudável nune’e  bele kontribui ba kresimentu ekonómiku iha rai laran,” esplika Constancio

Tanba ne’e Constancio, projetu dau-daun ne’e sei hala’o hela estudu abilidade, tuir mai ne’e sei asina akordu ho Amérika iha tinan oin, nune’e bele hahú ona ho implementasaun ba iha area rua (2) Edukasaun no Agua Saneamentu.

“Implementasaun ba projetu ne’e, kona ba jestaun be’e foer ne’e iha Dili de’it, maibé sei harii mós fábrika ida ba produz produtu nara flora atu tratamentu ba bee, ne’e la’os iha nasionál de’it, sei hala’o mos iha munisípiu,kona-ba edukasaun nian sei harii sentru silénsia nian ida ba formasaun professores ba ensinu sekundáriu nian, atu nune’e professores sira bele hanorin di’ak liután,” Tenik nia.

 

 

Jornalista   : Sandi Belo/Sandra Barros

Editora       : Nelya Barros

Tinggalkan Balasan