MAPKOMS Sujere Lafaek News Koopera ho MSSI

Lafaek News— Ministru Asuntu Parlamentár No Komunikasaun Sosiál (MAPKOMS), Francisco Jerònimo, nia parte sujere ba media online Lafaek News atu koopera ho Ministeriu Solidariedade Sosial no Inkluzaun (MSSI), atu iha estabelese konkordansialiu husi oferese pajina eskluzivu kona-ba asuntu sosial iha Timor Leste.

“Ohin ami mai vizita ne’e la’os ba media Online Lafaek News de’it, maibè antes ne’e vizita ona media barak  ho objeitivu atu  bele hametin kooperasaun entre media nasionàl hotu hodi eduka povu husi nasionál too iha baze liu hosi informasaun,” katak MAPKOMS, Francisco Jerónimo, hafoin vizita iha edefísiu media Lafaek News Balide, kinta (30/072020).

Governante ne’e afirma, polítika redasaun Lafaek News nian foku liu ba problema sosiál, tanba ne’e ba oin Lafaek Newa tenke halo kooperasaun ida ho Ministériu Solidariedade Sosiál no Inkluzaun (MSSI, posibilidade bele hetan apresiasau hosi ministériu refere nune’e bele publika notisia relasaun ho asuntu sosiál.

hafoin vizita remata MAPKOMS, Francisco Jerónimo foto hamutuk ho ekipa Lafaek News iha edefisiu LN Balide. : Foto LN.

“ Tanba ita bot sira haree liu ba problema sosiál, ha’u hanoin imi bele halo aprosimasaun ho ministeriu solidadidade social no inkluzaun atu bele hetan pázina ida husi sira atu nune’e imi bele imi bele publika notisia sira relasiona ho poblema social iha pázina refere,”  MAPKOMS sujere.

Ho nune’e nia dehan  bainhira media lafaek news ne’e hetan ona kooperasaun di’ak ho MSSI husi ne’e fiar katak media lafaek bele hetan rendimentu husi ne’e.

“Ami mos iha programa ida atu fo kapasitasaun ba jornalista sira hodi nun’e bele halo notisia ne’ebe  kerdibel no parsial ba publiku atu nune’e ita halakon tia hanoin ida dehan jornalista pofisional ka la profisional maibe situasaun sira ne’e mosu tamba ita foin aprende iha balun nebe faila it hadia,” informa nia.

Ikus liu MAPKOMS mós komprometidu katak hosi nia parte sei esforsu atu bele rekonese liu hosi asina proposta ne’ebè Lafaek News submete ona ba SEKOMS.

Iha fatin hanesan, Diretór ezekutivu Lafaek News, Floriano Soares haktuir, nia parte agradese ba Ministru Asuntu Parlamentár no Komunikasaun Sosiál bele hakat ona edefísiu Lafaek News hodi hatene kondisaun ne’ebé media ne’e infrenta

“Ha’u  orgullu tebes ho vizita MAPKOMS mai iha ami nia edefísiu lafaek news, fiar katak ho vizita ne’e bele hametin liután kooperasaun ho governu atu bele eduka ita nia povu hosi nasionál too iha baze,” katak Floriano Soares.

Nia dehan, liga ho sujestaun hirak ne’ebè MAPKOmS hatoo ba oin sei esforsu atu halo ida ne’e, maibè ema hotu hatene katak Lafaek News foin hamriik iha 2019 foin hetan rekonesimentu hosi governu liu hosi publisidade Covid-19.

“Agradese ba sujestaun hosi ita nia ministru, ba oin ita sei esforsu atu halo kooperasaun ho MSSI ligadu ho asuntu sosiál nian, ita sei preparasaun kondisaun interna tanba sei iha hela faze preparasaun no oinsá lafak news bele hakat ba oin,” nia hakotu.

Entratantu, tuir estratéjia no polítika redasaun Lafaek News tau prioridade ba asuntu sosiál, tanba ezisténsia média barak, maibé konsentra liu iha nasionál, tan ne’e lafaek News ezisté atu kanaliza informasaun husi baze ligadu kestaun sosiál ba governu atu bele tau atensaun.

 

Jornalista   : Felisberto da Costa Fernandes

Editora       : Nelya Barros

Tinggalkan Balasan