MAPKomS : Pagamentu Bá Jornalista  Tama Kategoria Seluk Tan

Lafaek News—Ministru Assuntu Parlamentares no Komunikasaun Sosial (MAPKomS), Francisco Jerónimo, katak jornalista sira ne’ebé servisu iha front line tama iha kategoria ida Outrus.

“Ita ko’alia kona-bá jornalista sira ne’ebé servisu iha front line ne’e sira tama iha kategoria ida outrus ne’e,” dehan Ministru Assuntu Parlamentares Komunikasaun Sosial (MAPKomS) Francisco Jerónimo, iha Palasiu Governu foin lalais ne’e.

Nia informa ema nia intrepretasaun mak la hanesan bainhira sita identidade hotu-hotu iha ne’ebá klauza redatór ne’ebè dehan outrus ne’e sira seluk tan, kuandu outrus intetervensaun tenke klean.

Governante ne’e hatete, asuntu ne’e hatoo ona katak prosesu jornalista sira nian ministeriu halo tiha hotu ona no haruka ona ba Ministériu Finansas, maibé intrepretasaun seidauk ne’e tenke hatoo.

“See karik intrepretasaun dehan seidauk ne’e tenke hatete mai ha’u no atu halo tan saida atu bele realiza pagamentu ba jornalista sira, see lei mak la fo dalan ha’u hanoin presiza repete didi’ak no indika depois ida ikus ne’e outrus tan sira seluk tan entaun sira seluk ne’e mak naran la tama iha ne’ebá, see mak la tama ne’e inklui jornalista sira, tanba ne’e nafatin iha dalan atu fo solusaun,” nia fundamenta.

Nune’e mos nia dehan, nia parte prosesu laiha ona, haruka hotu ona dadus jornalista nian ba Ministeriu Finansas.

“Lista jornalista nian ne’ebé haruka ba Ministeriu Finansa tuir dadus ne’ebé mak iha no mós lista husi media inprensa sira hato’o lista ne’e mai depois mak halo fali identifikasaun to’o ikus konklui katak sira ne’e mak tama hotu iha lista no haruka ba atu hetan pagamentu direitu ba remunerasaun subsídiu husi Covid-19 nian,” dehan Nia.

Nune’e nia dehan, hotu-hotu servisu iha front line tanba saida mak ida hetan ida labele hetan.

“Ita bot sira mak servisu iha front line ba Aeroportu, sentru jestaun krije no ba fronteira ita boot sira mak ba no hatene ema hira mak tama mai no ema hira mak sai. Ita boot sira servisu mós divulga informasaun ba ema hotu-hotu hodi asesu ba informasaun, tanba ne’e mak ha’u hanoin  sei manten no defende nafatin pozisaun ba interese jornalista sira nian ne’ebé mak servisu iha front line iha direitu atu hetan,” dehan nia.

Nia hatete, tuir kriteira lubuk ida ne’e defende ba sira ne’ebé mak servisu iha komisaun atu deside.

“Ha’u prosesa de’it buat ne’ebé husu mai ami atu halo, maibé kuantidade hira ne’e sira mak deside nune’e jornalista bele hetan sira nia direitu,” nia hakotu.

 

 

Jornalista                 : Pedro de Almeida

 Editora                      : Nelya Barros

Tinggalkan Balasan