Maneira Efetivu Prevene Isin Rua

Soe bebe hanesan fenomena ida iha Timor leste ne’ebé ohin loron sai preokupasaun ba sosiedade no sidadun hotu, bainhira feto ida lakon nia responsabiidade hodi simu realidade nudar inan.

Saida mak relasaun sexual ?

Relasaun sexual refere hahu husi komunikasaun to’o mosu sensasaun sexual nian entre parseria, nune’e hamosu eresaun ba orgaun jenital mane no mosu lubrifikasaun natural ba organ jenital feto.

Tan ne’e atu minimiza hahalok sira hanesan:abortu provokativu oan no soe bebe, mak utiliza maneiras prevensaun sira hanesan tuir mai ne’e:

  1. HALO RELASAUN SEXUAL MOMENTU FETO LAOS IHA MASA FERTILIDADE

Maneiras prevensaun refere halo bainhira fe’en hatene no kunese lolos ninia kalendariu menstruasaun nian nune’e keta akontese gravida bainhira halo relasaun sexual. Tan ne’e husi kontazen ba siklus menstruasaun refere ajuda tebes parseria sira hodi hatene bainhira mak iha masa fertilidade no bainhira mak livre.

2. HASAI ESPERMA IHA MISS V LIUR

Maneiras prevensaun gravida ne’e halo bainhira parseira entre feto no mane halo relasaun sexual no iha momentu ne’ebe akontese sensasaun atu mosu ejakulasaun/esperma atu sai mane tenke konsiente makaas nunee hasai tiha penis husi vagina hafoin esperma sai/ coitus interruptus.

3. UZA KONDOM BAINHIRA HALO RELASAUN SEXUAL

Kondom hanesan maneira kontrasaepsaun ne’ebe utiiliza no faan iha apotik sira I bele mos simu iha fasilidades saude sira. Ho utilizasaun kondom refere sei halo akumulasaun ba esperma ne’ebe sai momentu halo relasaun sexual ho nune’e esperma sei la tama ba ovarium hodi akontese gravida.

4. PIL KB NIAN (FIZKES)

Pil KB refere hanesan aimoruk ida ne’ebe ho forma pil nune’e ema konsumu/hemu. Bainhira konsumu Pil KB ne’e ho loos sei la akontese gravida maske hatama esperma iha momentu coitus, maibe mos presiza iha reseita husi pesoal saude antes atu konsumu.

5. ESPERMISIDA

Maneira prevensaun ne’e atu hamate esperma iha momentu mosu penetrasaun interna nune’e esperma labele tama ba ovarium hodi hamosu ovulasaun. Atu halo kontrasepsaun ne’ebe efetivu presiza konsumu aimoruk antes de relasaun ou depoiz de relasaun atu hamate selula espermatozoide antes de 72 ora

Ho maneiras sira ne’ebe mensiona iha leten ne’e atu fasilita parseria/ entre feen no laen, signifika Jovens sira la bele pratika tuir, se lae bele akontese sex livre katak depoiz de ita aprende ita iha hakarak/keinginan atu koko. Inklui atu labele kontra igreija nia hanorin/ukun fuan, hakerek nain mos fo hanoin atu kuidadu ho ita nia hakarak sira liu-liu relasiona ho relasaun sexual bainhira ita seidauk iha parseira moris. Obrigada

Hakerek Husi : Anna Sousa & Basilio da Silva 

Email : dasilvabasilio27@gmail.com/silvaketyroman@gmail.com

Responsavel Artigu Komunidade  : Kuidadus  Enfermagem

Tinggalkan Balasan