MAE Rezeita Rekrutamentu PAM Falun Ho Kor ParPol

Lafaek News–Ministru Administrsaun Estatal (MAE), Miguel Perreira Carvalho, afirma rekrutamentu ba Prezidente Autoridade Munisípiu sira tuir dalan legál ho kriteria la’os hili tuir partidu polítikus.

“Rekrutamentu ne’e ba sidadaun hotu-hotu atu konkore sai prezidenti autoridade no administrador munisípius purtantu la nesesariamente katak partidu politikus maka barak, ida ne’e rekrutamentu, ezerse kargus politikus ne’e so mai iha membru governu ho orgaun soberania sira, ba administrador munisípius lae,” dehan MAE, Miguel Perreira Carvalho, ba jornalista sira iha palasio governu, kuarta, (14/10/2020).

Governante ne’e hatutan, kadidatus hotu-hotu Timor oan ne’eb’e maka funsionariu publikus no laos funsionariu publikus elijivel atu konkore maibé iha nia kriteria.

“Sidadun hotu bele konkore, maibé kriteria iha ezemplu se nia funsionariu publikus nia kareira ne’e tenke tékniku superior se la’os tékniku superior nia tenke dirijentes no idade 35 ba leten,” dehan nia.

Ministru ne’e hateten,  sidadaun Timor-oan hotu elijivel atu konkore atu bele sai administrador no Prezidente Autoridade, ne’eb’e prosesu da-daun ne’e juri sira fo sai ona resultadu provizóriu kona-ba rekrutamentu ne’e rasik.

“Da-daun ne’e ekipa jurí trata hela keixa no reklamasun balun ne’eb’e maka tama, no nia prosesu ne’e sei kontinua wainhira trata hotu ona reklamasoens juri sei hare’e to’o resultadu final,” hateten nia.

Bainhira iha ona rezultadu finál nia prosesu tuir mai MAE maka hodi ba iha munisípiu sira atu konsulta ba konselu konsultivu munisípal no grupu tékniku traballu interministerial ne’eb’e maka integra iha diretores sira.

“Konfirma hotu ona MAE maka sei hodi mai iha konsellu ministru para atu deliverasaun atu nomeia kandidatu sira ne’ebé maka admitidu ou selesionadus maka sai presidenti audoridade administrador munisípiu no tempu hanesan mos bele ezonera sira ne’eb’e agora ezerse hela kargu,”nia esplika.

Maibé to’o agora seidauk iha rezultadu husi juri sira tanba sei trata hela reklmasun sira, no juri ba kandidatura sira ne’e mai husi Ministeriu Administrsaun Estatal (MAE) ho Komisaun Funsaun Publika (KFP).

Minsitru ne’e fundamenta, kona-bá kandidatura rekrutamentu auoridade munisípiu ne’e halo tuir dalan legál maka dekretu lei 3/2016.

 

Jornalista     : Pedro de Almeida

Editora          : Nelya Barros

Tinggalkan Balasan