Lere : Hakarak Sobu Situasaun Mak Hadia Fila-Fali

Lafaek News-Xefe Estadu Maiór Jenerál FALINTIL-Forsa Defeza Timor Leste (F-FDTL), Majór Jenerál Lere Anan Timur, hatete, deputadu sira labele jeneraliza Polísia Nasionál Timor Leste (PNTL) ho F-FDTL hodi fahe ema, bainhira deputadu sira ko’alia arbiru di’ak liu sobu tiha mak hadia fila-fali.

“Ha’u dehan ami bele rezolve situasaun no sobu depois mak rezolve fila-fali más bele se’e mak dehan labele fali, ha’u hanoin katak deputadu sira tenke ko’alia naton, labele dehan ida mak di’ak no ida mak a’at liu fali,” dehan Lere Anan Timur ba jornalista hafoin hasoru malu ho Prezidente Repúblika (PR) Lù Olo, Iha palásiu Prezidensiál Nicolau Lobato,  Bairu-Pite Dili, Kuarta (15/07/2020).

Nia dehan, sé F-FDTL mak aat karik ohin loron situasaun sei la hakmatek,  F-FDTL di’ak ne’e mak nasaun hakmatek ne’e, hanesan PNTL rezolve sira nia problema tanba estatutu seidauk iha no regulamentu disiplina seidauk los.

“Ami sei komandu iha F-FDTL problema se laiha, ami sei hatutan buat di’ak ba jerasaun foun ne’ebé mak atu mai komanda iha F-FDTL ne’e, iha krize 2006 de’it mos sei mosu ohin loron Timor di’ak fila-fali,  tanba ne’e ita bele sobu halo fila-fali mak hadia,” haktuir Lider másimu Iha F-FDTL ne’e.

 

 

Jornalista        : Sabina Barreto Klau

Editóra             : Nelya Barros

Tinggalkan Balasan