Komunidade Aldeia Donfonamu Halerik Eletrisidade

Lafaek News-Komuidade aldeia Donfomau suku Bokolelo, postu administrativu Lau-lara, munisípiu Aileu, desde tempu okupasaun to’o ohin loron kontiinua halerik ba liña eletrisidade.

Situasaun ne’e sai preokupasaun tebes ba autoridade iha suku refere, tanba mosu diskriminasaun ba komunidade iha prosesu fornesimentu liña eletrisidade ba populasaun suku ne’e.

“Ha’u sente preokupadu, tanba ha’u nia aldeia haat ahi lakan, maibé aldeia ida ahi la lakan ne’e diskriminasaun,” katak xefe suku Bokolelo Januario Guterres de Deus Fria ba Lafaek News, foin lalais ne’e

Suku Bokolelo kompostu hosi aldeia haat, hanesan Ermeki, Donfonamu, Mauberhata no Kuncing ho populasaun hamutuk 909, hosi aldeia haat ne’e aldeia tolu hetan ona fornesimentu liña eletrisidade, maibé maioria uma kain 70 iha aldeia Donfonamu seidauk asesu liña eletrisidade.

Xefe ne’e mós preokupa kompañia ne’ebé nia la temi naran harii rin eletrisidade halis hela no fiu sira tabele iha rin leten, nia parte ko’alia ona administradór postu Laulara, maibé seidauk iha solusaun.

“Ha’u nia observasau besi rin ne’ebé kompañia harii ne’e it abele dehan laiha kaulidade, tanba besin rin halis tun sa’e no fiu tabele  iha leten,” dehan xefe suku ne’e.

Iha fatin hanesan, Rosana da Silva Guterres hatuan nu’udar sidadaun ida ne’ebé hela iha komunidade Donfonamu sente triste tanba kalan sunu lilin no mina rai hodi halo naroman ba oras han no labarik sira estuda.

“Ami sente triste tebes ahi la laan, ami nia oan sira atu estuda mós araska loos, nia hakotu.

 

 

Jornalista    : Sandra da Costa Barros

Editor         : Dirra de Barros

 

Tinggalkan Balasan