Kompañia CROWN Entrega Ekipamentu Ba MOP

Lafaek News-Ohin, Tersa (14/01/2020), kompañia CROWN Unipessoal L.da entrega ekipamentus ne’ebé mak atu halo teste estrada ba Ministériu Obras Públika (MOP).

“Ekipamentus ne’e nia funsaun atu teste ba kamada estrada nian, ne’e signifika katak teste manual normalmente, teste manual nia foin haree sukat ba kamada estrada nian,” dehan Ministru Obras Públikas, Salvador Eugenio Soares dos Reis Pires ba Jornalísta, Tersa (14/01), iha Kaikoli, Díli

Nia hatutan, makina ne’e atu uza lais liu hodi haree kamada tuir dezeñu espesifika ba iha polgimentu ba estrada sira kona-ba kompozisaun ba kamada estrada atu tau planu atu bele implementa, nune’e bele ajuda tebes ba prosesu verifikasaun nomós investimentu setór sira bele servisu ho di’ak.

Ekipamentus hanesan ne’e importantes tebes atu, nune’e bele asegura vizaun no dezenvolvimentu sira no ida ne’e ko’alia kona-ba kualidade hodi haree ba laboratórium nasionál atu bele teste mesin sira.

MOP apresia tanba primeira vez ekipamentus ne’e mai, no agora iha ona planu atu kontinua no aumenta tán ekipamentus hasai prestasaun servisu hodi asegura kualidade dezenvolvimentu nasionál. Kona-ba ekipamentu teste mesin no besi ida ne’e importante tebes governu tenke tau importánsia ba investimentu laboratórium nasionál kualidade husi investimentu kapitál to’o ba estrada.

Iha fatin hanesan Diretór Kompañia CROWN Unipessoal L.da, Augusto Baltazar esplika, husi kompañia CROWN hetan fiar husi MOP atu fornese ekipamentus ida ne’e no momentu ne’e halo akordu ho ministériu relevante no asina kontratu, no ohin ita hotu rona rasik katak ami sei kumpri saida mak sira ko’alia no ami fornese moó tuir kritéria ne’ebé mak iha.

Tuir lolos ne’e entrega iha loron 30 Dezembru 2019 ne’e, maibé ita hatene katak ne’e loron boot no feriadu.

Maibé, ohin rona hamutuk ona katak, presiza servisu hamutuk no kolabora ba malu atu nune’e bele la’o ho di’ak no ekipamentus sira ne’e kona-ba sukat alkatraun no iha mós karreta, maibé kareta ne’e ohin ko’alia ona katak loron 3 fulan fevereiru mak foin to’o mai atu nune’e kareta ne’e para ho ekipamentus ne’e.

“Ohin ami mós hato’o ona ami nia planu ba ministru katak ami iha planu sei tuir treinamentu ba fulan ida nian no ami prepara ami nia teknik no MOP mós hamutuk ho ami atu nune’e bele kolabora hamutuk hodi dezenvolve di’ak liu tán.

 

Jornalísta   : Joaninha da Silva

Editór         : Manico Ximenes

 

 

Tinggalkan Balasan