Komandu PNTL Lautém hatama Reseitas $ 3.623 ba Kofre Estadu

Lautém-(Lafaek News)—komandu PNTL Munisípiu Lautém liu husi diresaun Polísia Tránzitu munisípiu Lautém hatama reseitas hahú husi fulan Janeiru-Outubru ho totál $ 3.623 ba kofre estadu.

komandante PNTL Munisípiu Lautém superintendente polisia António Rego Fernandes, afirma reseitas ne’e hetan husi kondutór ho motorista hamutuk na’in 125 mak sai hanesan infrator hodi selu ona multa ba iha banku tuir pedidu ne’ebé direasaun servisu tránjitu munisípiu Lautém.

“Infratór hirak ne’e barak liu mak komete sala sira hanesan kapasete laiha, no dokumentus karreta no motor nian laiha sira ne’e tuir lei tenke selu multa tuir lei ne’ebé iha ona, komandante PNTL Munisípiu Lautém superintendente polisia António Rego Fernandes, foin lalais iha kna’ar fatin foin lalais.

Osan ne’ebé infratór sira selu ba estadu konserteza sei aumenta osan ba kofre estadu, tanba ne’e polísia munisípiu ne’e kontinua nafatin halo pasa revista ba motor no kareta sira ne’ebé laiha dokumentus tuir lei haruka.

Entretantu iha fulan rua janeiru too Outobru tinan ne’e asidente trafegu hamutuk 4, rezulta ema na’in 7 lakon vida, prosesu hotu submete ona ba tribunal, maibé tribunal impoin la’o ho prosesu normal.

Atu remata komandante ne’e apela  ba kondutor no motorista sira atu kumpre regras rodaváriu nune lable komete infrasaun no rejulta ema lakon vida.

Jornalista  : Elidio Castro.

Editora      : Nelya Barros

Tinggalkan Balasan