KM Nomea Sekretáriu Rejionál No Adjuntu Bá RAEOA

Lafaek News- Governu da-ualu lideradu Primeiru Ministru (PM), Taur Matan Ruak, liu hosi Konsellu Ministru (KM) aprova ona projeitu rezolusaun ba nomeasaun ba Sekretáriu Rejionál na’in-hitu (7) no Adjuntu na’in-rua (2) ba Prezidente Autoridade RAEOA.

 “Nomeasaun ba Sekretáriu Rejionál Autoridade na’in-hitu (7) ba Rejiaun Administrativa Espesiál Oe-Cusse Ambeno (RAEOA) no nomeasaun ba Sekretáriu Rejionál Adjuntu rua (2) ba Prezidente Autoridade (RAEOA),” afirma Ministru Prezidénsia Konsellu Ministru (MPKM), Fidelis Manuel Leite Magalhães iha Palásiu Governu, Kuarta, (15/07/0202).

Fidelis akresenta, Sekretáriu Rejionál Autoridade RAEOA foun sira sei asume responsabilidade iha área edukasaun no soliedariedade sosiál, finansa, terras propriedade, administrasaun, saúde no komersiu no indústria.

Governante ne’e dehan, Prezidente Autoridade RAEOA-ZEESM, Arsénio Bano sei taumatan ba iha área plane’eamentu infraestrutura, ordenamentu territóriu no kadástru, dezenvolvimentu rurál no turízmu komunitáriu.

Nune’e sekretáriu rejionál adjuntu ba prezidente autoridade RAEOA-ZEESM asume titulár ba kargu ezekusaun administrativa ho kompeténsia ba administrasaun liu-liu iha área atividade ne’ebé mak determinadu ona hodi responde diretamente ba prezidente autoridade.

 

 

 

Jornalista                  : Pedro de Almeida

Editór                        : Lino Aparicio

Tinggalkan Balasan