KM Aprova Dekretu Lei Ba Estatutu Orgánika STAE

Lafaek News—Ohin reuniaun konsellu ministru ne’ebé lidera husi primeiru ministru (PM), Taur Matan Ruak, aprova ho alterasaun projetu dekretu lei kona-bá altersaun daruak ba Sekretariadu Tékniku Administrasaun Eleitorál (STAE) nune’e kria estrutura ne’ebé forte.

Ministru Prezídensia Konsellu Ministru (MPKM), Fidelis Manuel Leite Magalhaes, hateten aprova ho alterasaun projetu dekretu lei ne’ebé aprezenta husi Ministru Administrasaun Estatal, Miguel Pereira de Carvalho, kona-bá alterasaun daruak ba Estatutu Orgánika Sekretariadu Tékniku Administrasaun Eleitoral (STAE) nian.

“Alterasaun ne’e ho objetivu atu kria estrutura ida ne’ebé forte no adekuada liu. Hodi permite katak instituisaun ne’e presta ba sidadaun eleitór sira no partidu politika sira, servisu ida ne’ebé ho kualidade no profesionalismu bo’ot liu hodi Organiza prosesu eleitoral sira,” dehan Fidelis Magalhães, ba jornalista sira iha palasiu governu hafoin partisipa iha reuniaun KM, kuarta, (14/10/2020).

Nune’e nia dehan, ho intervensaun Iejislativa ida ne’e, prosede ba eliminasaun figura adjuntu ba Diretór Jerél no ba kriasaun diresaun nasionál administrasaun no finansas, aprovizionamentu, lojistika no rekursus umanus, diresaun nasionál koordenasaun munisípal no Rejiaun Administrativa Espesiél Oé-kuse Ambenu (RAEOA), edukasaun eleitoral no asuntu Jurídiku sira no diresaun Nasionál ba Jestaun baze dadus ba resensiamentu eleitoral informasaun ba públiku no relasaun externa.

Jornalista      : Pedro de Almeida

Editora           : Nelya Barros

Tinggalkan Balasan