KHUNTO  Kondena Deklarasaun Amu Domingos  Maubere Hasoru Naimori Bucar

Lafaek News—Deputadu bankada KHUNTO deklara kondena deklarasaun Padre Domingo Soares Maubere, ne’ebé espekula iha mídia sosiál katak Konselleru másimu partidu KHUNTO José dos Santos Naimori Bucar, halo profeta falsu hodi fó juramentu ba sarani iha territóriu Timor Leste.

Deputadu Bankada KHUNTO, Luis Roberto, instisfatiza ho deklarasaun nai lulik  Domingos Maubere iha mídia sosiál,  tuir loo-loos nu’udar amu lulik sira  hanesan  bibi atan Kristu nian iha mundu ne’e,  ko’alia buat ne’ebé loos no mo-mos labele hewai sarani sira, maske konstituisaun RDTL fó dalan ba sidadaun hotu espresa nia direitu.

“Amu Domingos Maubere fó sai iha media diáriu nasionál katak hahalok Naimori ho nia grupu Kontra ona doutrina uma kreda nian, tamba ne’e maka husi bankada KHUNTO no ha’u rasik mos ko’alia ba Amu Maubere, igreja inklui mos Amu Martinho Gusmão atu bele sai saseluk kristu nian iha mundu rai klaran ida ne’e ba buat ne’ebé loos no mo-mos, dehan deputadu bankada KHUNTO, Luis Roberto liu husi nia intervensaun polítika iha plenária, tersa (30/06).

Hodi hateten, Igreja labele ko’alia hewai fali sarani sira seluk, loos duni  iha konstituisaun artigu 40-41, ko’alia sidadaun hotu iha direitu liberdade  ba liberidade espresaun maibé la signifika atu difama fali ema sidadaun sira seluk, tanba konstituisaun fó garantia liberdade ba ema hotu hotu atu harii polítika iha nasaun ida ne’e.

Nia hateten padre sira tenke buka hatene lai, antes fó infórmasaun ba publiku tamba partidu KHUNTO la obriga sidadaun see de’it tuir juramentu, tanba ne’e regulamentu partidu nia nanis ona.

“Bankada KHUNTO iha paralamentu ida ne’e hakarak husu ba Igreja liu-liu maka Amu Domingos Maubere inklui Amu Martinho Gusmão bainhira la hatene buka tuir atu hatene uluk maka ko’alia, labele ko’alia naran-naran de’it

“Nu’udar autór polítika no autór partidu harii partidu polítika KHUNTO iha Timor iha ne’e bainhira ami halo aktividade juramentu ba iha militante no simpatizante ami la iha obrigasaun ba sidadaun sira tenke ser ne’e lae ne’e liberdade demokrasia,”  dehan Luis Roberto da Silva.

Entretantu, antes ne’e padre Domingos Maubere  posting iha mídia sosiál (facebook) sita katak, atetude José dos Santos  Naimori Bucar  nian hatudu dalan nakukun ba nia maluk sira tanba fiar ne’ebé nia halo ne’e kontra Igreja katólika  nia doutrina.

Jornalista : Egidio Nono

Editora      : Nelya Barros

Tinggalkan Balasan